Talento: Solo Parent Officers’ Gathering

MERRY Christmas everyone! Mas daghan ba mo’g nadawat nga regalo karong semanaha o mas labaw ang ihap sa mga gasa nga inyong nahatag? Bitaw, wala may contest sa padaghanay mao dili na lamang kita mag ihapay, right?

Seriously, morag nakulbaan pa ko mga higala kay ugma, YES, as in petsa otos sa Disyembre tuig 2019 na gayud ang panagtapok sa tanang opisyales sa matag barangay sa atong syudad sa Panabo. Kung makaadto tanan, mokabat sa 600 ang single parents nga partisipante.

Nganong officers lang man nga miyembro gusto pod unta nga motambong? Kuan, aduna man god 40 ka barangay ang syudad sa Panabo, unya 15 ka opisyal sa matag- baranagy, dili kaya sa budget sa karon. Sunod tuig kay maapil na ta sa gahinan og pundo sa atong lokal nga panggamhanan mao pwede na kita na gayud tanan. Pasensyahe sa mi ninyo kay limitado kaayo ang atong panudlanan.

Akong ginapangayo ang suporta sa matag barangay kapitan nga palihog patambonga inatawon ang 15 lang gayud ang limit sa badget) ka opisyales o miyembro kung kulang sa ihap kay si Atty. Jamail Lunar Macla mismo ang magpasabot kanato sa Republic Act 8972 o ang “Solo Parent Welfare Act of 2000.” Higayon kini aron sayron ta ang mga benipisyo ug katungod natong mga single parent.

Si Carrie Javier, national president mismo sa Federation of Solo Parents Inc., LuzViMin ang makighimamat sa mga solo parent sa syudad sa Panabo. Si Javier ang nanguna sa mga kalihokan aron maamendahan ug mapatuman ang balaud sa RA 8972.

Gawas sa mga pagtuon, masaksihan pod usab ang mga talento sa solo parent apil ang ilang anak sa mga intermission number.

Nindot ning maong pangatapok kay mora kini og kape nga 3 in 1 kay unang anibersaryo sa pederasyon, naay konsultasyon ug open forum ug tungod Disyembre, nag-andam ang lokal nga panggamhanan og simpleng regalo alang sa tanang motambong nga kabahin sa maong organisasyon. Libre meryenda ug paniudto pod diay ni. Dili ba na “okey kaayo?”

Nangamot gayud si Engineer Edwin Virtudazo nga masuportahan ang maong kalihokan pinaagi sa paghatag sa mga panginahanglanon sa aktibidad. Ug si Mayor Jose Relampagos gayud hugot ang suporta sa maong kalihokan mao gitugyan na sa pederasyon sa Ginoo ang tanan.

Hinaut nga moapil gayud ang kinse ka mga solo parent official sa entiro Panabo aron mahimong malampuson ang pagpaningkamot nato. See you!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph