TACURONG CITY -- Wala nay ulo ug tunga na lang sa lawas sa lalaki ang nakaplagan alas 4 sa hapon niadtong Miyerkules, Disyembre 4, sa probinsiya sa Sultan Kudarat.
Sa Facebook post ni Johaira S. Daunotan nga nakuhaan og hulagway sa iyang igsoon nga lalaki, ang patay nga lawas sa lalaki wala nay ulo, apil ang katunga sa iyang lawas sa Barangay Pedtubo, President Quirino sa probinsiya.
Kutob sa hawak ang nahibilin sa lawas padulong tiil sa lalaki nga hangtud karon wala pa mailhan.
Wala na say laman loob ang biktima nga giingon nga gikuha sa wala mailhing suspek nga nagpatay kaniya.
Samtang gibati og kahadlok ang katawhan ilabi na nga mikatag ang balita nga dunay mga grupo nga nangidnap og mga batan-on ug kuhaon ang importante nga bahin sa lawas sama sa kidney, kasingkasing, mata, ug baga aron ibaligya bugti sa dakong kantidad.
Apan gipanghimakak sa kapulisan ang maong taho ug nagkanayon nga pagpanghadlok lamang kini.
Sumala pa nga biktima kini sa pagpamanhig kon diin naputol ang lawas niini gikunis-kunis sa mga iro sa maong dapit.
Kapulisan sa President Quirino Municipal Police Station padayon pa nga nagsusi sa hitabo.