ANG lami nga sweet and sour ang baboy, crispy bisan naa nay sauce. Ang sekreto ani ang pagprito sa baboy kaduha. Pasabot ana kay pritohon nimo ang baboy sa medium nga init sa unang beses. Inig human pritohon kadali sa mas init nga mantika usa i-serve. Pabugnawon gamay usa ibutang ang sauce.
Ang ika duha kinahanglang sticky ang sauce para di dayon motuhop sa karne.
• Mga sagol
1/2 kilo unod sa baboy gihiwa og nipis
4 kutchata soy sauce
1/4 cup harina
4 kutchara sa corn starch
1/4 tasa sa bugnaw nga tubig
gamay nga black pepper
• Unsaon pagluto
I-marinate ang baboy sa soy sauce ug black pepper sa 5 minutos usa idungag ang harina, cornstarch ug tubig.
Pritoha ang baboy nga di magpilit hangtod mag golden brown. Unya ipadaplin usa.
• Sweet and sour sauce
4 ka kutchara sa banana catsup
4 ka kutchara nga soy sauce
3 kutchara sa corn starch
1/2 cup nga suka
1/2 cup nga asukar
1/2 cup pinaapple juice o tubig
paminta
• Unsaon pag-sagol
Isagol sa usa ka panaksan ug tunawa tanan.
• Panggisa
2 ahos
1 red bell pepper
1 green bell pepper
1 sibuyas
1. Gisaha gamay ang lamas dayon ibutang ang sarsa. Lutua hangtod molapot kini.
2. Pwede pud nimo butangan og pineapple chunks.
3. Isagol sa naluto nang karne aron ready na ma-serve.
Sunda ko sa akong social media accounts.
Facebook: facebook.com/LutongTatungOfficial
Website: www.lutongtatung.com
Twitter: @cheftatung
Instagram: Cheftatung