PAUGNAT sa kusog maoy kabahin sa edukasyon nga gipadayag sa batakang balaod. Basketball, volleyball, football, baseball, soccer, tennis, badminton, boxing, kickboxing, wrestling, arnis. judo karate, archery, shooting, bowling, high jump, weightlifting, swimming, marathon, cycling, duatlon, triathlon, skating, chess, billiard, sipak takraw ug dance sports. Events sama sa Division Meet, Central Visayas Regional Athletic Association (Cviraa), Private Schools Athletic Association (Prisaa), Cebu Schools Athletic Foundation Inc, (Cesafi), Philippine National Games (PNG), Philippines Basketball Association (PBA), National Basketball Association (NBA), Olympics, FIVA World Cup ug South East Asian (SEA) Games.
Sa FIVA World Cup iwit ang Pilipinas sa 32 ka mga nasod nga misalmot. Wala mogimaw sa maong kalibotanong panagtigi sa natad sa basketball sanglit kulang sa height ug outside shooting. Apan sa nagpadayong SEA Games ang Pilipinas nag-una paglangkat o paghakot sa 530 ka gold medals nga giilogan sa 1,115 ka mga atleta gikan sa 11 ka managsilingang nasod. Naka-host ang Pilipinas sa SEA Games sa 1981, 1991, 2005 ug karon 2019. Sa 2005 nasapopo sa Pilipinas ang kinatibuk-ang kampyonato nga 113 gold, 84 silver ug 94 bronze medals ikaduha ang Thailand ug ikatulo ang Vietnam. Dakong garbo kay nia sa atong tugkaran. Gigastohan og 55M pesos ang Torch Tower sa New Clark City, Capas, Tarlac nga maoy gitongtongan sa cauldron o kaldero nga gipadilaab simbolo sa paglaom ug tumang kaikag nga mohatod ngadto sa panaghigalaay sa kanasoran. Wala kinahanglana ang binasolay sa pipila ka mga kakulangan. Mga oposisyon nga nanaway walay natabang sa pagpatigbabaw sa panaghiusa sa pagpakayab sa nasudnong bandila.
Atong garbo sa natad sa pamoksing Gabriel “Flash” Elorde ug Manny Pacquiao, skateboarder Margielyn Didal, marathoner Mary Joy Tabal, weightlifter Hidilin Diaz, uban pa. Indigay sa kaanyag sila Miss Universe Gloria Diaz sa 1969, Margie Moran sa 1972, Pia Wurchback sa 2015 ug Catriona Gray sa 2018. Miss International Gemma Cruz sa 1964, Aurora Pijuan sa 1970, Melanie Marquez sa 1979, Princess Lara Quiganan sa 2005, Bea Rose Santiago sa 2013 ug Kyle Versoza sa 2016. Miss Earth Paula Henry sa 2008, Jamie Herel sa 2014, Angela Ong sa 2015 ug Karen Ibasco sa 2017. Miss World Valerie Weigman. Miss Supranational Mutya Johanna Datul. Miss Tourism International Angelie Dione Gomez, Rizzini Alexis Gomez ug Maria Esperanza Mansano. Sa natad sa kultura ug arte si Nora Aunor. (csa_1156@yahoo.com/09064648954)