TUNGOD sa mga linog nga miigo sa nasod, gipalig-unan ang Cebu Cordova Link Express (CCLEX) nga magdugtong sa lungsod sa Cordova ug Dakbayan sa Sugbo batok sa mga linog.
Matod ni COWI-DCCD project manager Robert Uthwatt, nagbutang sila og mga seismic isolation lead rubber bearing aron kon maglinog, di kini mahugno ug igo ra mouyog nga maora og rubber.
Dugang niya nga ila kining gidesinyo alang sa seguridad uban sa lain-lain nga elemento sa paggama og usa ka taytayan.
Ang taytayan makatabang aron dali makaabot ang mga motorista sa Mactan Channel ug paluagan ang traffic sa duha ka mga taytayan sa Mactan.
Sigon usab ni Uthwatt nga nagbutang sila ug usa ka krus nga magsiga kon mogabii nga anaa sa ibabaw sa duha ka main pylons nga adunay gitas-on nga 145 metros aron maaninag sa mga motorista ug turista.
Kini mahimong landmark sa Siyudad sa Sugbo.
Ang taytayan dunay 8.5 ka kilometros nga gitas-on ug 51 ka metros nga gihabugon. (JCT)