4 ka mga Sugboanon top sa Nursing board exams

GAWAS sa iyang ginikanan, mapasalamton ang 5th placer sa Nursing Licensure Exam nga si Jasmin Claire Tamang sa Birheng Maria sa Simala, Sibonga tungod kay gipaminaw ang iyang pag-ampo.

Si Tamang usa sa upat ka mga tinun-an sa nursing sa Sugbo nga nasulod sa top 10 sa bag-ong gipagawas nga resulta sa NLE.

Anaa sa parehong 5th place si Tamang ug si Artemis Marie Cinco nga tinun-an sa Velez College, kinsa parehong nakakuha og 88.20% nga grado.

Sa iyang Facebook post, si Tamang mapasalamaton sa iyang ginikanan ug giisip niya nga iyang inspirasyon sa pagtungha sa kursong nursing.

“I hope I make you proud! Thank you sa tanan tanan ninyong sakripisyo ug pasuporta kanamo,” tipik sa post ni Tamang.

Si Tamang nigradwar sa Cebu Normal University (CNU).

Samtang pareho og tunghaan niini nga si Jorel Franco Antone Tangpuz, mao usab ang 5th placer sa grado nga 88.00%.

Samtang si Sarah Jane Enot sa Velez College nalakip sa 10th place. “I was doubting myself. I always thought how can I pass the exam, all the more top it?,” si Enot sa iyang Facebook post. (HBL)

Related Stories

No stories found.
SunStar Publishing Inc.
www.sunstar.com.ph