SUPERBALITA CEBU

Army reservist gipusil patay

PERSONAL nga atraso ang gitan-aw nga motibo sa pagpusil patay sa usa ka Army reservist ug habalhabal driver alas 12:40 sa Biyernes sa kaadlawon, Disyembre 6, 2019, sa Natalio Bacalso avenue, Barangay Bulacao, Siyudad sa Sugbo.

Matod ni Police Major John Kareen Escober, hepe sa Pardo Police Station nga niadtong Huwebes, adunay nakaaway si Joel Tan Apora sa dalan Panagdait, Barangay Kasambagan, Siyudad sa Sugbo kay magtambayan ang Angkas driver sa ilang lugar. Nasuko usab ang Angkas driver nga gibadlong ni Apora hinungdan nga gibanggaan siya niini.

Tungod sa hitabo, iyang gikulata ang Angkas driver.

Si Apora maoy presidente sa asosasyon sa mga habal-habal driver sa dalan Panagdait.

Human niya makulatahi, gisumbong siya sa barangay ug didto nag-atubangay ang duha.

“Kini kunong tawhana murag presidente sa mga habal-habal driver sa may Panagdait. So, naa siyay gikalalis nga Angkas driver. Ilang gipahawa sa ilang pwesto kay ang mga habal-habal wala na daw pasahero,” matod ni Escober.

Gimandoan ni Escober ang iyang mga imbestigador nga makig-alayon sa Barangay Kasambagan aron makuha ang ngalan sa gikaaway ni Apora ug kopya sa close circuit television (CCTV) camera tungod kay maoy ilang person of interest. (AYB, BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph