MADRID, Spain -- Wa'y kukahadlok nga nipatutsada ngadto sa mga political lider sa nagkadaiyang nasud si Greta Thunberg kinsa mao'y nangulo sa lapad nga climate strike sa Madrid, Spain gabii sa Biyernes, Disyembre 6, 2019.
“World leaders have gathered here in Madrid to negotiate our future. And I could tell you, the hope is not within the walls of the COP25. The hope is out here with you. It is the people who are the hope, you are the hope,” ni Thunberg atol sa iyang pakigpulong atubangan sa libuan ka mga partisipante sa protesta.
Di mominos sa 500 ka mga tawo ang nisalmot sa maong climate strike sa Madrid, sumala pa sa grupong Greenpeace.
Sa kasamtangan, gipahigayon sa Madrid ang United Nations (UN) Climate Change Conference kon mas nailhan nga COP25 (Conference of Parties) aron sa pagtuki ug paghatag og konkretong solusyon batok sa epekto sa nasinating climate change.
Ang maong kalihukan molungtad hangtod karong Disyembre 13.
Gitataw ni Thunberg nga ang kausaban alang sa solusyon sa climate change wa maggikan sa mga anaa sa gahum kon dili naggikan kini sa katawhan.
“The change we need is not going to come from the people in power as it is now. The change is going to come from the masses, from the people demanding action. And that is us. We are the ones who are going to bring change,” padayag ni Thunberg nga giabiahan sa mga nisalmot sa protesta.
Sigun pa niya nga gikinahanglan apson sa mga lider ang katawhan nga mao pay nag-una ug nangunay sa pagpadayag kalabot sa “climate ug ecological emergency.”
“They need to take their responsibility and do what they need to do, they need to do their job. The current world leaders are betraying us and we will not let that happen anymore and we will not let them get away with it anymore. We say, enough now! And change is coming whether you like it or not. Because we have no other choice,” dugang niya.
Padayag ni Thunberg nga nga kinahanglang padayunon sa katawhan ang “buylo” sa kalihukan ug ipaambit niini ang tingog tungod og alang sa mga tawo gikan sa habagatang bahin sa kalibutan ug mga indigenous people nga nag-antos sa epekto sa climate ug environmental emergency.
Naabot si Thunberg sa Madrid mga alas 8:40 sa buntag local time sakay sa train gikan sa Lisbon, Portugal.
Sa wa pa kini miatubang sa mga sakop sa media, surpresa kining nibisita sa venue sa COP25 sa Ifema Conference Center.
Nalangay sa pag-abot si Thunberg sa pagsugod sa climate conference sanglit sa pagsugod sa COP25 niadtong Disyembre 2, naglayag pa ang 16 anyos sakay sa solar ug hydro-powered nga yate nga nilabang sa Atlantic Ocean. Siya kuyog iyang team naabot sa Lisbon, Portugal niadtong Martes, Disyembre 3.