SUPERBALITA CEBU

Tapales, Iwasa parehong 121.5 pounds alang sa interim IBF title

Marlon Tanan “Nightmare” Tapales (wala) batok Ryosuke Iwasa sa Japan alang sa interim IBF super Bantamweight title. (Hulagway iya ni Daniel Guden)

KAPATAGAN, Lanao del Norte native Marlon Tanan “Nightmare” Tapales ug si Ryosuke Iwasa sa nasod sa Japan parehong adunay 121.5 pounds alang sa 12-round interim International Boxing Federation (IBF) Super Bantamweight title.

Ang Tapales batok Iwasa mao'y top supporting bout sa pagdepensa ni American World Boxing Council Middleweight champion Jermell Charlo batok Dennis Hogan sa nasod sa Ireland karong Desyembre 7, 2019 Sabado (Domingo RP Time) sa Barclays Center, New York gidalit sa TGB Promotions nga isalida sa Showtime cable television.

Ang kanhi silingan ni ex-PBA player Bonel nga si Tapales, IBF number three contender aduna'y rekord nga (33W-2L, 16KO) samtang si Iwasa, nagbitbit sa (26W-3L, 16KO), IBF rated number 1.

Ang kanhi world champion-turned-trainer Rodel Mayol mao'y nagtimon sa career ni Tapales nagkanayon.

“Fifty-fifty ni awaya kay si Iwasa kusog, taas ug dili ka kumpyansahan apan buhaton namo ni Marlon ang tanan nga modaug ta. Dili namo dalion, amping ta sa attack unya paluyahon namo sa body shots ang kontra,” yagyag ni Mayol ning tigbalita

Duha ka mga sikat nga boxing personalities ang moabiba ni Tapales atol sa fight night, si former world champion Gerry Peñalosa ug Rex “Wakee” Salud ang manager ni Tapales.

“Ania ko sa New York kay pa enroll ko sa akong anak babaye sa Yale University mosaksi nalang sab ko sa away. Samtang kini nga fight modaug si Marlon (Tapales) ani by late knockout,” asoy ni Peñalosa ning tigbalita.

Mikompleto sa team Tapales sila si Ernel Fontanilla (cut man), Troy Kovacs taga Australia (assistant), Serge Ramirez (assistant) ug Brendan Gibbons (MP representative/ matchmaker)

Si Iwasa naila nga Filipino Assassin human gihurot pag pildi niya sila si Glenn Medura (TKO3), Dennis Tubieron (KO7), Marlon Arcilla (TD5), Ricardo Roa (TKO2), Ernesto Saulong (UD), Richard Pumicpic (MD), Jecker Buhawe (UD), Mark John Yap (UD), Jerope Mercado (UD) ug Marvin Tampus (UD). (Daniel Quindao Guden, US Correspondent)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph