SUPERBALITA DAVAO

Takahashi nadepensahan ang titulo

PAMPANGA. Si Filipino-Japanese Mariya Takahashi, diin ang inahan nahimugso sa Maragusan saCompostela Valley, grabe ang pagngisi sa kadaugan sa women’s judo -70 kg gold medal sa 30th Southeast Asian (SEA) Games, Biyernes, Disyembre 6, sa Laus Group Events Center sa San Fernando, Pampanga. (Lynlyn)

MANILA -- Ang 18-anyos nga Filipino-Japanese Mariya Takahashi, midepensa sa iyang women’s judo -70 kilograms title, Biyernes, Disyembre 6, sa Laus Group Events Center sa San Fernando, Pampanga.

Si Takahashi, diin ang inahan nga si Lynlyn gikan sa Maragusan sa Compostela Valley, mipildi ni Surattana Thongsri sa Thailand via ippon sa uwahing match.

Miangkon siya og gold human nangharus og puntos sa round-robin format competition.

Si Thongsri miangkon sa silver samtang ang Indonesian Kakihara I Gusti Ayu mipupo sa bronse.

Ang uwahi, sama ni Takahashi, nakabase sa Japan.

Ang Indonesan, sigun ni Lynlyn, mipildi sa iyang anak sa Japan tournament.

Si Takahashi, sa Facebook Messenger interview nga gihubad sab ni Lynlyn, “I felt nervous but I was confident, believing to win and defend my title.”

Niya, nagdahum siyang mapildi, apan naningkamot gyud siyang modaug.

Ang Kogakkan University college freshman nagdugang, “First thank you to the Almighty Father who gave me strength and to my ever supportive family for being there always to boost my self-confidence to win and to the PSC for supporting the athletes.”

Nahimugso siya sa Japan, diin niadtong Grades 1 ug2 sa Panabo City siya nagtungha hangtud miuban ang iyang inahan sa iyang amahan didto sa Tomoki sa Japan.

Si Takahashi, nga makasabot og pipila ka Binisayang pulong nagsugod og duwa og judo sukad fourth grade.

Samtang ang Dabawenyo Carl Dave Aseneta mibulsa sa bronze sa men’s judo -90 kg uban si Aaron Ng sa Singapore.

Ang gold naadto kang Vietnam’s Le Anh Tai samtang si Thailand’s Hantratin Kittipong mikuha sa silver.

Ang Philippines national judo team mikolekta na og tulo ka golds (Takahashi, Kiyomi Watanabe ug Shugen Pablo Nakano), usa ka silver ug pito ka bronse alang sa tim.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph