SUPERBALITA CEBU

Mongaya: Aksyon naggikan sa katawhan

Panahom

GIKAN sa katawhan ang aksyon alang sa pag-atubang ug kausaban aron mausab ang dagan sa atong klima kon kining climate change.

Mao kini ang mensahe ni Greta Thunberg, ang 16 anyos nga nidesisyong moundang sa pagtungha aron mokampanya aron makumbinser ang kalibotan nga gikinahanglan ang kausaban.

“The change we need is not going to come from the people in power as it is now. The change is going to come from the masses, from the people demanding action. And that is us. We are the ones who are going to bring change (Ang kausaban nga atong gikinahanglan di maggikan sa mga tawo nga anaa sa poder sama sa nahitabo karon. Ang kausaban maggikan sa masa, gikan sa katawhan nga nagdemanda og aksyon. Ug mao na kita. Kita ang magdala og kausaban,” padayag ni Thunberg nga giabiahan sa mga nisalmot sa protesta.

Sigun pa niya nga gikinahanglan apson sa mga lider ang katawhan nga mao pay nag-una ug nangunay sa pagpadayag kalabot sa “climate ug ecological emergency.”

“They need to take their responsibility and do what they need to do, they need to do their job. The current world leaders are betraying us and we will not let that happen anymore and we will not let them get away with it anymore. We say, enough now! And change is coming whether you like it or not. Because we have no other choice,” dugang niya.

Sakto si Greta, wala kitay laing mabuhat kon di kita gusto mag-antos ang atong mga anak ug apo sa umaabot. Ang mga world leaders daw nagtraydor kanato.

Kon atong hunahunaon pag-ayo, daghan ang mga politikanhong kausaban sa miagi tungod sa partisipasyon ug pagduso sa katawhan mismo.

Gani, mao kini ang lengguwahe sa mga malampusong rebolusyon. “Gikan sa masa, ngadto sa masa.” Mao kini ang gitudlo ni Mao Ze Dong dihang iyang gipangulohan ang Chinese Revolution. Mao sab kini ang slogan ni Presidente Rodrigo Duterte dihang nidagan kini sa miaging 2016.

Kining maong panglantaw mao ang gihuptan mismo sa Kilusang Pagbabago dihang ilang gitukod kini alang sa giingong participatory governance.

Apan sama kang Greta Thunberg, gikinahanglan karon ang kalihokan sa katawhan labi na sa Pilipinas alang sa kausaban.

Mao nga dako ang atong paglaum diha sa mga kabataan karon.

Dihay panahon nga apil ko sa maong mga kalihokan alang sa kausaban pipila ka dekada nga milabay. Gani, naapil ko sa giingong Konsultahang Kabataan nga nagmugna og alternatibo sa Kabataang Barangay nga mao karon ang Sangguniang Kabataan.

Subo lang kay sulod sa katuigan, ang SK gikaon sa mga politiko. (@anol_cebu sa Twitter)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph