SUPERBALITA CEBU

Nalzaro: Pag-uswag sa barangay ug SK elections

Saksi

ANG tulo ka tuig nga termino sa mga piniling opisyal mubo lang alang niadtong nagtinarong nga nag-alagad. Apan taas na alang niadtong way maayong binuhatan ug performance. Ubos sa atong balaod, ang elected local officials apil na ang mga kongresista mo-alagad lamang og tulo ka tuig sa usa ka termino. Entitled o allowed sila nga moserbisyo balig tulo ka termino. So, kon atong i-total moabot og siyam ka tuig kon walay pilde. Ang mga senador balig duha ka termino nga tag-unom ka tuig matag termino. So, balig 12 ka tuig tanan. Ang Bise Presidente ug Presidente tag-unom lang ka tuig , wa nay reelection.

Ang mga barangay official way klaro kay ang ilang eleksiyon dali ra kanselahon o i-postpone. Adunay mga panahon kaniadto nga ang barangay officials moserbisyo og duha o tulo ka tuig. Karon morag mataas-taas kay napili sila niadtong Mayo 2019 ug matapos sa Disyembre sa 2022. So, upat ka tuig.

Kini human napirmahan na ni Presidente Rodrigo Duterte ang Republic Act 11462 nga nag-uktaba sa barangay ug Sangguniang Kabataan (SK) election ngadto sa December 5, 2022. Sa Mayo 2020 unta ang original schedule niini. Ang balaod nagmando sa mga opisyal sa barangay nga magpabilin sa katungdanan hangtod sa maong petsa hangtod mapili na ang mga mohulip.

Mao kini ang ikatulong higayon nga na-postponed ang barangay ug SK elections ubos sa Duterte administration. Busa kadtong mga intrisado diha, aw, huwat-huwat lang usa mo hangtod sa 2022. Unya kadtong naa sa gahum, aw, makapadayon pa sa ilang gimbuhaton bisan kon walay maayong performance.

Maayo nga taas-taas usab ang gintang sa national ug local elections sa barangay ug SK elections. Kay ang local ug national elections sa Mayo 2022 man. Unya Disyembre sa barangay ug SK elections. Makapahuway gamay sa gasto ang mga pulitiko. Kay kining mga barangay candidates adto magyango-ngo sa mga mayor, governors ug mga kongresista. Matod pang anhing Mandaue City Mayor Alfredo ‘Pedong’ Ouano, wala pa gani maayo ang labhag sa ilang likod, latuson na pod sila. Buot ipasabot nga bag-o pa sila nakagasto sa eleksiyon para nila. Dia na pod ang mga kandidato sa barangay, mangayo na pod para nila kay nagsunod ang eleksiyon. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph