SUPERBALITA CEBU

Tapales na-knockout sa 11th round batok Iwasa

SunStar file.

PAKYAS si Marlon Tapales sa iyang pagsuway og langkat sa International Boxing Federation interim junior featherweight title human kini ma-knockout sa ika-11 nga round sa Japanese fighter nga si Ryosuke Iwasa didto sa Barclays Center sa Brooklyn, New York Sabado sa gabii, Nobiyembre 7, 2019.

Ang overhand sa wala nga kumo ni Iwasa mao'y mipahagsa ni Tapales sa kanbas sa katapusang 2:09 sa ika-11 nga round.

Nakabarog pa man tuod si Tapales sa wala pa mahuman ang ihap sa referee ug gusto pa unta kining moaway apan daw og sa nibarag pa man kini hinungdan nga giundang ni referee Shada Murdaugh's ang away.

Sa wala pa ang technical knockout nga kadaugan, ang 27 anyos nga Iwasa mipakita og saktong dominasyon, ilabi na sa 7th, 8th, 9th ug 10th round, ginamit ang iyang mga jabs nga perming sundan usab sa iyang wala nga straight.

Ang kadaugan naghatag sa 29 anyos nga Iwasa og 27-3, 17 KOs nga baraha samtang si Tapales nahagsa sa 33-3, 16 KOs nga record. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph