Suerte, McAloney ug laing Sugboanon nakuha sa PBA Draft

Rey Suerte. (PBA Image)
Rey Suerte. (PBA Image)

NAKUHA isip number two pick ang kanhi sakop sa University of the Visayas (UV) Green Lancers nga si Rey Suerte sa Gilas Special Draft nga gipahigayon didto sa Robinson's Place sa Manila, Dominggo, Disyembre 8, 2019.

Si Suerte kinsa nakaduwa og usa ka season sa University Athletic Association of the Philippines ubos sa University of the East, gipili sa Blackwater Elite kinsa maoy nakaangkon sa ikaduhang katungod sa pick.

Ang number one pick nga gikuha sa Columbian Dyip si George Isaac Go, 6-7, sa Ateneo Blue Eagles samtang ang kauban niini nga si Mattthew Nietto natapo usab sa NLEX Road Warriors isip number three pick samtang ikaupat si Allyn Bulanabi nga nahulbot sa Alaska Aces.

Ang laing sakop sa Ateneo nga si Mike Nietto, kaluha ni Matthew Nietto, nakuha usab sa Rain or Shine ug mao'y mikompleto sa lima ka mga bag-ong sakop sa Gilas Pilipinas.

Sa higayon nga wala'y duwa ang Gilas Pilipinas, ang lima tagsatagsa nga mo-reinforced sa ilang mother team sa PBA.

Sa regular drafting, ang Sugboanong si William McAloney kanhi usab sakop sa University of San Carlos Warriors mao usab ang ikatulong pick sa second round.

Si McAloney magpabiling Warrior ug ning higayona ubos na sa NLEX Road Warriors ni coach Yeng Guiao.

Ang laing Sugboanon nga nadala sa first round regular drafting mao si Barkley Ebona, anak sa kanhi magduduwa sa UV nga si Boy Ebona, nga nabira sa Alaska Aces sa ikaupat nga pick.

Ania ang kompletong nadala sa Gilas Special Draft ug sa first ug second round sa regular Drafting:

Special PBA Draft:

1. George Isaac Go - Columbian Dyip

2. Rey Anthony Suerte - Blackwater Elite

3. Matthew Nieto - NLEX Road Warriors

4. Allyn Bulanabi - Alaska Aces

5. Mike Nietto - Rain or Shine

Regular Draft:

1. Roosevelt Adams - Columbian Dyip

2. Maurice Shaw - Blackwater Elite

3. Mike Ayonayon - NLEX Road Warriors

4. Barkley Ebona - Alaska Aces

5. Adrian Wong - Rain or Shine

6. Clint Doliguez - Rain or Shine

7. Prince Rivero - Rain or Shine

8. Sean Manganti - NorthPort

9. Aris Dionisio - Magnolia Hotshot

10. Arvin Tolentino - Ginebra Kings

11. Kib Montalbo - TNT KaTropa

12. Christian Balagasay-Columbian Dyip

13. Jerrick Balanza - Ginebra Kings

14. Richard Escoto - Blackwater Elite

15. William McAloney - NLEX Road Warriors

16. Rey Publico Jr. - Alaska Aces

17. Jaycee Marcelino - Alaska Aces

18. Aaron Black - Meralco Bolts

19. Vic Tolentino - Rain or Shine

20. Amiel Soberano - NLEX Road Warriors

21. Yankee Haruna - Magnolia Hotshots

22. Kent Salado - Ginebra Kings

23. Wendelino Comboy - Rain or Shine

24. Lorenzo Subido - NorthPort (JBM)

Si Rey Suerte (tunga) uban sa mga officials sa Blackwater Elite nga mikuha kaniya isip number two pick sa PBA Draft. (PBA Image)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph