SUPERBALITA CEBU

Barrita: Asa ka, sa US o China?

Tikdul-Tikdol

SUMALA pa sa Best Countries Report 2019, ang United States, Russia ug China nag-una sa mga labing gamhanan nga nasod sa tibuok kalibotan. Ang maong report gihimo sa U.S. News and World Report, uban sa BAV Group ug Wharton School sa University of Pennsylvania.

Ang gibasihan mao ang ilang ekonomiya ug ang gahom militar. Nag-una ang US nga adunay Gross Domestic Product (GDP) nga $19.4 trillion ug military budget nga $610 billion. Sa laing bahin, ang China adunay GDP nga $12.2 trillion.

Ang Pilipinas ika-51 ra sa maong listahan. Aduna kini GDP nga $313.6 billion ug populasyon nga 104.9 million. Gitaliwad-an ta sa Colombia nga ika 50 ug sa Serbia nga ika 52.

***

Apan asa man ang palabihon sa mga Pilipino bahin sa pakigrelasyon kon papilion sila sa US ug China? Usa sa labing uwahing survey sa Social Weather Stations (SWS) nagpakita nga ang mayoriya sa mga Pilipino mas pabor sa pakigrelasyon sa US kay sa China.

Sa survey sa SWS nga gihimo niadtong Septiyembre 27-30, 2019, 78 porsyento sa mga Pilipino nga hingkod nag edad ang niingon nga mas mahinungdanon ang pakigrelasyon ngadto sa US, samtang 12 porsyento lang ang pabor sila sa pakigrelasyon sa China.

Ang Pilipinas nahimong colony sa US ug ang Amerikanhong kultura nakagamot na sa mga Pilipino. Mao nga kusog ang mga American brand sa ato. Mao ba kini ang resulta sa colonial mentality?

***

Sa samang survey, adunay 5 porsyento sa mga Pilipino nga niingon nga parehong mahinungdanon ang pakigrelasyon sa Pilipinas sa US ug sa China. Apan 54 porsento sa mga Pilipino niingon nga wa sila mosalig sa China ug 21 porsyento ra ang nisalig.

Itangdi kini sa 80 porsyento sa mga Pilipino nga nisalig sa US ug 8 porsyento ra ang wa mosalig. Kadtong wa mosalig sa China niingon nga mas mahinungdanon ang relasyon sa Pilipinas ug sa US.

Apan mahimo pang mausab kini kon di magpakita og sobrang kaagresibo ang China sa West Philippine Sea. Sumala sa maong survey, 52 porsento sa mga respondents niingon nga posible pa nga ang Pilipinas adunay maayong relasyon sa US ug China.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph