SUPERBALITA CEBU

CT-TODA nangandam sa Simbang Gabi

MGA traffic enforcer sa dakbayan sa Talisay ang ipakatap diha sa mga dan duol simbahan atol na unya sa pagsugod sa Simbang Gabi.

Gawas sa kapulisan ug sa force multipliers, gitug-an ni Jonathan Tumulak, pangu sa City of Talisay Traffic Operations Development Authority (CT-TODA) nga lakip ang traffic enforcer ang moseguro sa kahapsay ug seguridad.

Hinungdan nga sugod sunod semana, wala nay bisan usa sa mga sakop sa CT-TODA ang tugutan nga maka-leave.

Matod ni Tumulak, iyang gibahin ang mga enforcer ngadto sa walo ka mga simbahang Katoliko sa Talisay City.

Gani ang matag simbahan ang gahinan og tag napulo ka mga enforcer aron maoy mogiya sa mga sakyanan nga mosulod ug gawas sa mga simbahan.

Ang Misa de Gallo sugdan karong Disyembre 16, Lunes.

Samtang ang uban sa mga enforcer ang diha sa mga major thoroughfares.

Dugang ni Tumulak nga mas sayo pa gyud ang mga enforcer diha sa gawas sa mga simbahan kaysa manimbahay kini aron ilang magiyahan ug mapahimutang sa insakto nga lugar ang mga adunay sakyanan.

Usa sa seguruon nga wala gyud usab mga sakyanan nga anaa diha sa mga daplin sa karsada nga makatampo na hinuon sa paghuot sa trapiko.

Hinungdan nga iyang giawhag katong manimbahay, kansang balay duol ra sa simbahan, nga mas maayo lakawon na lang ug dili na kinahanglan pa nga magdala sa ilang mga sakyanan.

Lakip sa bantayan ang mga manimbahay nga managlakaw, diha sa ilang paglabang, ilabi na ang mga bata ug senior citizen. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph