SUPERBALITA CEBU

Nanghasi sa mall

BUGNAWNG BILANGGOAN: Si Medlina Yamazaki sulod sa mabugnaw nga bilanggoan sa Mabolo Substation. (Allan Cuizon)

TUNGOD sa giingong pagsuway og hikap sa iyang anak sa saleslady, usa ka 33 anyos nga inahan nanghasi sulod sa inilang mall sa Cardinal Rosales Ave. sa uptown sa dakbayan sa Sugbo niadtong Sabado, Disyembre 7.

Si Police Major Dindo Alaras, hepe sa Mabolo Police Station, niila sa babaye nga si Medelina Yamazaki, lumad nga taga Negros Occidental.

“The promodiser of the fragrance stall complained that a humidifier unit was thrown at her. Accordingly, there were having a misunderstanding regarding the use of the said unit and the customer suddenly flew into a rage and threw it at her,” matod ni Alaras sa SunStar Cebu, igsuong mantalan sa Superbalita Cebu.

Giasoy ni Alaras, ang insidente nahitabo alas 7:00 sa gabii ug ang eksena sa pagwala ug panghasi nasaksihan sa daghang shoppers ug naka-record sa ilang video sa mobile phone ang nahiagoman sa biktima nga si Jennifer Fabillar, 26, saleslady nga makadaghan gilabay og humidifier unit (kahimanan nga mohatag og kabugnaw o mopalab-as sa hangin) sa tindahan sud sa mall.

Ang video gi-upload sa social media ug niani kini og daghang reaksiyon. Nag-trending. Sa Facebook nikuha og kapin sa milyon nga views, 18,000 reactions, ug 33,000 shares atol ning pagsuwat alas 9 kagabii.

Naigo ang biktima sa iyang nawong ug grabe usab nakasinggit og yawyaw ang suspek nga nakakuha og atensiyon sa tanan.

“The security supervisor of the mall called us to respond and it was evident on the videos and physical appearance of the complainant that she was really injured,” matod ni Alaras.

Si Fabillar samdan sa ubos sa iyang walang mata, nakaangkon og garas sa aping ug nanghubag kini.

“The point of the police is she really caused an injury. If she has complaints on the way the promodiser was treating her, she should have formally reported it to the management of the fragrance company where she will be entertained and not result to hurting someone and cause a scene,” dugang niya.

Usa sa mga kauban ni Fabillar nagkanayon nga si Yamazaki, nagkugos sa iyang anak uban sa iyang bana nga Japanese national.

Ang saleslady kalma nga nisulti nga dili ipahikap sa bata ang humidifier unit basin posible nga makuryentinhan o madaut kini.

Gilain og sabot ni Yamazaki ug dinhi nagsugod ang iyang pagsinggit ug paghulga kang Fabillar: "I will kill you!”

Ang SunStar Cebu nisuway og pakighinabi kang Yamazaki sulod sa presinto sa kapulisan apan wala kini moluwat og pamahayag bahin sa hitabo.

Ang biktima gidala sa tambalanan.

Samtang, usa ka grupo sa mga abogado ang niboluntaryo sa paglaban sa saleslady nga libre tungod sa ilang kaluoy sa biktima.

Apan ang agalon ni Fabillar sa tindahan nipasalig nga maoy mopasaka og kaso.

Nasuta nga si Fabillar maayong kawani sulod na sa lima ka tuig isip saleslady sa inilang kompaniya sa pahumot.

Si Yamazaki gipriso sa Mabolo Substation ug pasakaan og kaso karon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph