Lokal Kasikas: Pagprito'g manok sa 'Extreme job'

ARON lang masundan ang dakong sindikato sa illegal nga drugas, buhaton nila ang tanan, bisan ang pagprito og manook!

Karong Disyembre, laing makalingaw nga pelikula na sab ang hatud sa VIVA International Pictures ug MVP Entertainment.

Kini ang blockbuster Korean comedy film nga EXTREME JOB.

Aron maimbestigahan ang operasyon sa usa ka drug syndicate, gisud sa lima ka detektib ang trabaho nga tigluto sa usa ka chicken restaurant nga duol-duol sa lugar sa sindikato.

Apan, inay tutukan ang imbestigasyon, mas nabusy sila sa pagprito og manok nga kalit misikat tungod sa lamian nilang resipe.

Nakurat na lang sila nga gigamit na ang ilang chicken chain mismo sa distribusyon sa illegal nga drugas.

Si Chief Go (Ryu-Seung-yong, MIRACLE IN CELL NO. 7) ang lider sa mga detectives.

Kauban niya sila Detective Jang (Lee Hanee), Detective Young-ho (Lee Dong-hwi), Detective Jae-hoon (Gong-Myoung), ug Detective Ma (Jin Sun-kyu).

Ang EXTREME JOB gipaguwa sa Korea ug mipatok sa takilya sa unang kwarter sa 2019.