SUPERBALITA DAVAO

KKDAT gisugdan na sa Davao del Sur

HAGONOY, Davao del Sur -- Gisugdan na sa Hagonoy Municipal Police Station ang pagpatuman sa programang Kabataan Kontra Droga at Terorismo (KKDAT) ngadto sa mga tunghaan.

Muabot sa 250 ka mga Senior High School gikan sa Grade 11 ngadto Grade 12 sa Hagonoy National High School sa Barangay Guihing ang gipailawom sa KKDAT.

Kini na ang ikaduhang higayon nga gilusad sa kapolisan ang programa sa ilang lugar human unang gipatuman didto sa Lapulabao National High School niadtong Disyembre 4.

Aduna'y 200 ka tinun-an sa Grade 9 ug 10 ang nisalmot sa grand launching.

Matud ni Police Lieutenant Nilo Emborgo, officer-in-charge sa kapolisan, nga ang Philippine National Police (PNP) pinaagi sa Police Community Affairs ug Development Group (PCADG), ang naglusad sa nationwide program nga KKDAT.

Tumong niini nga ma-edukar ang mga batan-on ug mga tinun-an batok sa eksploytasyon sa mga walhong organisasyon ug mga epekto sa ilegal nga drugas.

Buot sab sa kapolisan nga mosuporta ang mga batan-on sa mga programa ug adbokasya sa gobyerno.

"If we fight this war on drugs as one and denounce every terroristic ideology, then we will win as one," matud ni Emborgo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph