SUPERBALITA DAVAO

Dalagita buhi pa gisud sa sako - PNP

KORONADAL CITY - Natumbok na sa mga awtoridad ang hinungdan sa kamatayon sa dalagita nga gisulod sa sako ug gigapos ang kamot sa South Cotabato niadtong miaging adlaw.

Giila ang biktima nga si Barbie Inocencio, 16-anyos, tinun-an sa Notre Dame High School sa Banga South Cotabato.

Matud ni South Cotabato Police Provincial Director Colonel Ruel Siason nga namatay ang dalagita sa suffocation sa diha nga gisulod siya sa sako sa mga suspetsado.

Nakaangkon og bun-og sa ulo ang biktima og posibleng buhi pa kini nga gisulod sa sako human gipaanod sa sapa.

Gikuhaan sab og swab test ang dalagita gumikan nagtuo ang mga awtoridad nga gilugos kini gumikan dunay gisi o samad ang iyang kinatawo.

Lakip nga gikuhaan og swab test ang gitudlo nga suspek sa pagpatay sa dalagita nga si Richard Romo Gumilid nga live-in partner sa inahan sa biktima nga napatay sa follow-up operation sa kapulisan sa Isulan Sultan Kudarat.

Apan, gihimakak sa pamilya ni Gumilid nga wala kini kalabutan sa kamatayon sa dalagita.

Napalgan ang patay nga lawas sa biktima nga gisulod sa sako ug gigapos ang kamot nga nasangit sa footbridge sa Barangay Pulong, Grande Banga South Cotabato.

Giingong duha ka adlaw nga nawala ang biktima sa wala pa kini makit-i sa mga awtoridad.

Padayon pa ang gihimong imbestigasyon sa kapulisan sa Banga ug Isulan Sultan Kudarat mahitungod sa nahitabo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph