SUPERBALITA CAGAYAN DE ORO

Hero cop gilubong na, Duterte mibisita

CAGAYAN DE ORO. Si Presidente Rodrigo Roa Duterte mibista sa haya ni Police Senior Master Sergeant Jason Magno sa Initao, Misamis Oriental niadtong gabii sa Huwebes, Disyembre 5. (RPIO-PRO)

GABII niadtong Huwebes, Disyembre 5, personal nga midangat si Presidente Rodrigo Duterte kauban si Senator Bong Go sa lungsod sa Initao, Misamis Oriental.

Kini aron personal nga makapaabot sa iyang pahasubo ngadto sa pamilya sa bayaning pulis nga si Police Master Seargent Jason Magno nga mibuhis sa iyang kinabuhi dihang nag-amok ang usa ka senior citizen dala ang granada sulod sa Initao College niadtong Nobiyembre 28 nga gikamatay sab niini nga uwahing naila nga si Ebrahim Basher.

Gikan sab si Presidente Duterte sa Misamis Oriental Provincial Hospital sa Initao ug gibisita ang samdan nga pulis nga mao si Police Senior Master Sergeant Alice Balido.

Gihatag ug gipasalig sa gobyerno ang tanang financial assistance alang sa nabiyaang pamilya ni Magno.

Gani, sa pagbisita sab ni Misamis Oriental Governor Bambi Emano gisaaran niini ang mga anak sa pamilya nga hatagan og scholarship.

Gibuhis ni Magno iyang kaugalingon human gihap-an ang granada aron wala’y maangin nga mga tinun-an.

Gikalipay sab sa pamilya ang pagdangat sa presidente nga taliwala sa kadaghang problema giatubang sa nasod ug kabisi sa mga iskedyul niini nahatagan og higayon nga makabisita kini sa haya.

Niadtong adlawng Sabado, ang necrological nga gipahigayon sa Initao Municipal Building sa lungsod ug gimisahan sa Xavier Parish Church.

Gitunol ang iyang katapusang kapahulayan sa San Pedro Private cemetery si Magno.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph