SUPERBALITA CEBU

Tagming: Miss Phils. - Universe 2019 ‘worst finish’ since 2009

SIGURADONG daghan ang naguol nga kutob ra sa Top 20 ang atong pambato sa Pilipinas nga si Gazini Ganados sa Miss Universe 2019.

Ako hinuon daan nakong wa mag-expect. Kon nakabantay mo wa gyud ko mohatag og bisan unsang comment dinhi kon unsay chance ni Gazini.

Niadtong Sabado sa dihang nitambong ko sa Boneless Lechon Eating Contest sa Parkmall usa sad ni sa among topic diin naghatagay mi og fearless forecast.

Ang wala pagkasud ni Gazini sa Top 10 ang matawag natong `worst finish’ sa Pilipinas sa Miss Universe pageant sukad niadtong 2009 dihang wala sad nakasud ang atong pambato niadtong si Bianca Manalo sa Top 15. (Wala pay Top 20 sa una).

Since 2010 kanunay nang pasok sa Top 10 ang atong mga pambato sa Pilipinas sa Miss Universe.

Sama nilang Rachel Peters (Top 10); Maxine Medina (Top 6); Mary Jean Lastimosa (Top 10);

Ariella Arida (3rd Runner-up); Janine Marie Tugonon (1st Runner-up); Shamcey Supsup (3rd Runner-up);

Maria Venus Raj (4th Runner-up) ug ang duha niini ang mismong titulo gyud nilang Pia Wurtzbach ug Catriona Gray.

Tingali na-pressure lang si Gazini tungod sa iyang gisundan nga si Catriona nga maayo kaayo mamaba.

Yes, there’s no reason to be ashamed of. We’re still proud Bisdak here. Congratulations!

COLB eating contest

Congrats sad sa mga nidaug sa grand finals sa Boneless Lechon Eating Contest nga gipasiugdahan sa Cebu’s Original Lechon Belly (COLB) sa Parkmall diin nagkombati ang mga winner sa nagkadaiyang branches sa COLB.

Malipayon nga gianunsyo ni Ms. Gladys Gochan nga duna silay ablihang bag-ong branch karong December sa Mactan Airport sulod mismo sa arrival area.

So puwede namo magda og pasalubong sa boneless lechon sa Manila o abroad.

Ang gipaabot nila ang kumpirmasyon sa duha ka sikat nga artista sa Manila nga nagbase dinhi sa Sugbo nga mao kunoy mo-cut sa ribbon. Kinsa kaha ni?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph