SUPERBALITA CAGAYAN DE ORO

Todino: Libreng Wi-Fi

Pro Bono

SA PAGKAKARON, duna nay 3,100 ka mga pampublikong dapit nga dunay libreng WiFi, and duha niini bag-o lang gipahimutang sa JR Borja General Hospital ug sa City Hall.

Ang Department of Information and communication Technology dunay programa nga All-Free Public Internet Access.

Matod ni DICT assistant secretary Felino Castro tinguha sa gobiyerno nga mapalambo ang internet accessibility alang sa kalamboan sa nasod.

Ang target sa gobiyerno mao nga mobutang sila og 104,867 ka mga operational free Wi-Fi alang sa tanang siyudad sa nasod, ang 321 niini ipahimutang sa Cagayan de Oro -- diha sa barangay hall, public school, park, hospital ug uban pang mga pasilidad.

Ang pangutana mao garantiya ba gyud ang libreng Wi-Fi nga mahimong accessible sa mga tawo ang mga oportunidad alang sa ekonomiya o sa edukasiyon.

Mahimong epektibo lamang kining free Wi-Fi program kon ayohon paggamit sa mga tawo. Kon gamiton na gani kini sa binuang nga pamaagi, nan, mas dako pa ang epekto sa kadaot nga mahimo niini ngadto sa katawhan.

Hinuon, lig-on ang pagtuo ni Mayor Oscar Morena nga kining programaha makatabang kini sa gobiyerno nga mahimong mapalambo niini ang paghatod og serbisyo sa katawhan.

Dili pa nato makita sa kinatibuk-an ang benepisyo aning free Wi-Fi hangtod nga mapahimuslan gyud pag-ayo ang maong programa sa katawhan.

Pero sa kinatibuk-an, dako baya gyud og bentaha kon duna libreng Wi-Fi labi na sa paghatod og dinaliang komunikasiyon.

Ato lang panghinaot nga daghan ang mabulahan sa programa ug mapatuman kini segun sa iyang tinuoray nga tumong ug katuyoan.

Mas labing maayo sab kon dunay libreng computer nga magamit ang publiko sa dapit na dunay libreng Wi-Fi. Kay bisan naa kining Wi-Fi apan kon wala kay celfon o computer di ka makahatod og mensahi o makahimosa pag-research.

Sa ubang nasod, gawas na dunay libreng Wi-Fi naa pud silay libre gamit sama sa computer ug laptop alang sa publiko.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph