NALIGO sa iyang kaugalingong dugo ang usa ka barangay kapitan human gipusil sa wala mailang suspetsado alas 12:00 sa udto sa Lunes, Disyembre 9, sa National Highway sa Barangay San Luis, Gingoog City, Misamis Oriental.
Ang biktima giilang si kanhi Barangay San Luis kapitan ug kasamtangan nga kagawad nga mao si Alexander M. Mandamiento.
Basi sa mga nakasaksi, ang mga suspetsado sakay og motorsiklo nga XRM kolor yellow ug human sa pagpamusil misibat paingon sa Medina, Misamis Oriental.
Sa pagsulat ning balita, ang kapolisan sa Gingoog City Police Station sa pagpangulo ni Police Lieutenant Colonel Ariel Phillip Pontillas padayon pa sa pagpangita sa suspetsado ug dili pa masuta kung unsay motibo sa pagpangluthang.