SUPERBALITA CAGAYAN DE ORO

2 patay sa bangga sa Bukidnon

DUHA ka mga driver sa motorsiklo ang pulos nakabsan sa kinabuhi human sa managlahing insidente nga natigayon sa probinsya sa Bukidnon.

Ang unang insidente natigayon sa Purok 3, Bayabason, Maramag, Bukidnon.

Kini gikalambigitan sa usa ka Kawasaki motorsiklo nga gimaneho ni Eduardo T. Mangquequez, 45, minyo, taga North Poblacion, Maramag, Bukidnon, ug usa ka Hyundai Sedan gimaneho sa maestro nga si Romer Obedencio, taga Poblacion, susamang lungsod.

Sa inisyal nga imbestigasyon, ang motorsiklo paingon sa Valencia City ug katabo niini ang sakyanan.

Apan, dihang patungas na, ang motorsiklo mikawat sa dalan, hinungdan nga mikambyo ang Sedan apan nagsapon gihapon ang toung bahin sa sakyanan hinungdan sa bangga.

Tungod sa grabeng kadaot nga naangkon ni Eduardo, dead on arrival kining gideklarar sa mga doktor sa Bukidnon Provincial Hospital.

Adunay samdan nga sakay sa Sedan nga mao si Pablito Juyad, 66, taga Poblacion, Damulog, Bukidnon.

Ikaduhang insidente natigayon sa Purok-17 Batangan, siyudad sa Valencia, Bukidnon.

Gikalambigitan sa usa ka Toyota Hilux nga pick-up gimaneho ni Jetro Luiz A. Limbo, 24, ulitawo, taga Bonifacio Street, Valencia, Bukidnon, ug usa ka Kawasaki nga motorsiklo nga gimaneho ni Edilberto P. Torre, 30, taga Sitio Kauswagan, Candelaria San Fernado, Bukidnon.

Sa imbestigasyon, nasuta nga tabo kining duha ka mga sakyanan dihang pag-abot sa kurbada nga bahin, aksidenteng mibangga sa road right way sa dalan sa motorsiklo, hinungdan nga nabanggaan ug naguyod pag-ayo ang motorsiklo.

Ang driver sa motorsiklo seryosong nasamdan ug gidali og dala sa Laviña General Hospital, apan gideklarar nga dead on arrival.

Samaran sab ang backrider sa motorsiklo nga mao si Jonnefer C. Sican, 33, minyo nga nagpaalim pa karon panahona.

Sa pagkakaron, ang mga driver anaa gikostodya sa Maramag ug Valencia City Police Station.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph