SUPERBALITA CAGAYAN DE ORO

Zero casualty target sa Pasko

BUOT sa lokal nga kagamhanan sa siyudad sa Cagayan de Oro ug sa Cagayan de Oro Police Office (Cocpo) nga wala'y mabuthan sa bisan unsa nga klase sa pabuto karong kasaulogan sa Pasko ug Bag-ong Tuig.

Gibutyag ni Police Colonel Henry Dampal, director sa Cocpo, nga target gyud ang zero casualties sa pabuto sa nagkaduol nga kasaulogan.

"Kung posible nga ma zero casulaties ta. Pero usahay, ikasubo nato, no. Kay previous naa gihapon kay individual choices naman gyud ni nga despite nga ginadili, naa gihapon uban nga gapadayon," matud ni Dampal.

Gidugang pa niini nga makita usab karong mga panahona ug sa nilabay nga tuig nga duna gyuy pag-ubos sa ihap sa mabiktima sa mga pagpabuto.

"At least, makita nato nga dunay remarkable decrease of victims aning biktima sa pagpabuto," dugang pa.

Giingong gisugdan na sa paghan-ay sa lokal nga kagamhanan sa dakbayan ang taskforce kalabot na sa mga firecrackers ug uban pa.

"Hopefuly, maplastar nato ni. I think five years nga naging successful ang Cagayan de Oro with this program. Amo ning ipadayon naa pay mga meeting nga pagahimuon pa para ma sustain nato. Nagtuo man ko nga dili kaayo problema ang Cagayan," dugang niini.

Giingong panghingusgan kini sa Cocpo ilabi na ang pagkontrol ug pagpahibalo sa katawhan kalabot na niini.

Nasayran nga nagpahimangno ang tinugyanan sa Department of Health nga kung mahimo dili nalang magpabuto aron nga malikayan nga mamahimong biktima sa mga pabuto atol sa kasaulogan sa Pasko.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph