KAPULISAN sa siyudad sa Sugbo andam na alang sa unang adlaw sa Simbang Gabi nga sugdan karong Lunes, Disyembre 16, alang sa Pasko.
Si Police Colonel Giovanie Maines, officer-in-charge sa Cebu City Police Office (CCPO) nga sama sa ilang gihimo sa matag Simbang Gabii adunay mga police ang ipakatap sa mga simbahan isip kabahin sa ilang pagpatuman sa seguridad.
Giangkon ni Colonel Maines nga bag-o pa siya dinhi sa Sugbo apan gi pahibawo na siya sa iyang mga sakop nga naka han-ay na ang tanan alang sa siguridad apan iyang gisiguro nga aduna gyuy igong PNP personnel ang ipakatap sa mga simbahan sa dakbayan.
Naka-full alert pa ang kapulisan lukop nasud tungod sa nagpadayon nga south east asian games didto sa kaulohan ug molahos na ilang alert status hangtod sa Sinulog sa sunod buwan.
Lakip sa ilang gi pangandaman ang pag-regulate sa mga pabuto ning nagkaduol na ang pasko ug bag-ong tuig.
Matod ni Maines, wala pa moabot ang guidelines gikan sa kampo Crame kung unsay mga gidili nga pabuto nga ibaligya sa firecracker zones.
Wala usab mo kompyansa ang kapulisan sa dakbayan ilabi na nga daghan na sa mga nanarbaho sa mga kompanya nga naka dawat nag christmas bonus nga maoy hinungdan nga ilang gihingusgan ang ilang police visibility. (AYB)