SUPERBALITA CEBU

Na-missing nga mananagat sa Talisay napalgan nga patay na

PATAY nang napalgan sa mga sakop sa Philippine Coast Guard (PCG) ang mananagat nga naglutaw-utaw sa kadagatan sa Isla sa Olango Lunes sa hapon, Disyembre 9, 2019.

Si Rosemarie Formentera, anak sa namatay, maoy nikompirmar sa lawas sa iyang amahan dihang nasusi niini sa Lapu-Lapu.

Si Rogelio Fromentera, 51, taga Barangay Taytay sa dakbayan sa Danao, ang nanagat kauban sa ubang mga mananagat niadtong Dominggo, Disyembre 8, pasado ala una sa kaadlawon.

Giingong didto sila nanagat sa kadagatan nga sakop sa lungsod sa Carmen ug katapusang balita niini nakita-an ang gisakyan nga motorbanka sa biktima nga napadpad na didto sa Barangay Tabok Looc, dakbayan sa Danao. Katapusang nakit-an si Fromentera sa mga kauban nga mananagat alas 11:00 sa buntag niadtong Dominggo.

Alas 8:00 sa buntag sa Lunes, nipahibalo sa kapulisan sa Danao, matod ni P/MSgt. Reynante Manulat, ang imbestigador sa Danao City Police Station.

Apan nakapahibalo na daan ang mga tagtungod ni Fromentera ngadto na sa City Disaster Risk Reduction Management Office (CDRRMO) sa Danao. Dali nga gipahibalo ang ubang nga mga disaster office sa Catmon,Carmen, Cebu City, Lapu-Lapu City alang sa posible nga pagdasa sa ilang dapit sa lawas sa mananagat.

Ug Lunes sa hapon, Lunes, ilang gipahibawo ang PCG ug CDRRMO sa Danao kalabot na sa napalgang patay sa isla sa Olango ug gidala ang pamilya sa missing nga mananagat. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph