SUPERBALITA CEBU

21 anyos sa Danao gikasohan na

GIPASAKAAN na og kaso kagahapon, Lunes, Disyembre 9 sa mga sakop sa Regi oonal Anti Cyber-Crime Unit (Racu) 7 ang 21 anyos nga tinun-an sa dakbayan sa Danao nga nag post sa iyang Facebook account nga gisuwayan siyag dagit sa mga lalake nga sakay sa usa ka puti nga van.

Kalapasan sa Presidential Decree 90 o Declaring Unlawful Rumor-Mongering and spreading false information in relation to section 6 of RA 1175 sa Anti Crime Law.

Matod ni Police Lieutenant Colonel Maribel Getigan, hepe sa Danao City Police Station, nga kung mamatud-an nga sad-an ang maong tinun-an mahimo siya nga mabilanggo sulod sa 6 ka tuig ngadto sa 12 ka tuig.

Gihimo nila ang regular filing sa Prosecutor's Office sa Danao ug magpaabot na lang sila kung isaka kini ngadto sa korte.

Dugang ni Getigan, naluoy sila sa tinun-an apan kung dili kini pasakaan og kaso dili kini ma leksyon ug padayon nga abusohan sa publiko ang pag gamit sa Facebook nga makamugna na hinuon og kahadlok sa katawhan.

Bahala na ang piskalya kung isaka kini ngadto sa korte sanglit aduna silay lig-on nga ebedensya nga mag tumbok kang Alvaro nga naghimohimo lang kinig estorya.

“Mao gyud na atong tumong nganong ato siyang gi filan og kaso because daghan nang fake news karon nga naka-alarma sa atung mga katawhan, isa sa mga reason nganong ato siyang gi filan its because gusto nato nga sila be responsible enough in posting such information...” matod ni Getigan.

Gipasabot usab ni Getigan nga ang pagpangayog pasaylo ni Brigs Granada Alvaro atubang sa kapulisan ug sa mga opisyal sa kagamhanan sa Danao dili magamit sa kaso nga miangkon kini nga dili tinuod ang insidente tungod kay wala man ang iyang abogado.

“Miangkon siya pero dili man ma-consider nga ebedensya kay number 1 wala man siyay legal counsel,” matod ni Getigan.

Dili na hinuon lisu od alang kanila ang pagpangita kang Alvaro kung aduna na unya kini warrant of arrest tungod kay nahibawo na sila asa kini nag puyo.

Samtang ang babaye nga nanagmal sa usa ka promodizer sa Ayala Mall ang pasakaan gyud og kasong physical injuries bisan pa man sa pangangkon niini nga igo lang siya nga mibawos sa gihimo niining pang insulto atubangan sa iyang anak.

Matod ni Police Major Dindo Alaras ang hepe sa Mabolo police station nga sa pagkakaron naa pa sa selda sa ilang buhatan ang suspek nga si Medelina Yamazaki ug wala gyud kini mangayog pasaylo sa iyang gihimo kang Jenefer Fabillar.

Adunay migawas karon nga komento diha sa social media nga posibling nakasinating postpartum depression ang babayng dinakpan nga maoy hinungdan nga iya kining nahimo apan matod ni Alaras nga didto na niya kini ipamatuod sa korte pinaagi sa mga ebedensya nga iyang ipresentar.

Ang biktima disididong mokiha kang Yamazaki aron madisiplina kini. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph