SUPERBALITA CEBU

Cokaliong misaulog sa ika-30 nga anibersaryo

30 KA TUIG SA PAGLAWIG: Ang Cokaliong Shipping Lines Inc. nisaulog sa ika 30 nga anibersaryo niadtong Dominggo, Disyembre 8, 2019 pinaagi sa engrandeng kasaulogan sa Radisson Blu hotel sa Dakbayan sa Sugbo.Nitambong si Sen. Grace Poe (ikaduha gikan sa wala), chairperson sa Senate committee on public services ug guest speaker, nitawag sa Cokaliong Shipping nga “a carrier of dreams.” Nihatag kaniya og plaque of appreciation mao sila si CSLI founder ug chief executive officer Chester Cokaliong (labing tuo) ug CSLI chairman ug president Gregoria Cokaliong (ikaduha gikan sa tuo). Uban kanila si Rep. Edgar Mary Sarmiento, chairman sa House committee on transportation. (Michelle P. So)

GISAULOG sa Cokaliong Shipping Lines Inc. ang ilang ika traynta ka tuig o 30th founding anniversary pinaagi sa usa ka dakong party niadtong Dominggo, Disyembre 8.

Si Sen. Grace Poe ang usa sa mga dagkong pinasidunggang dinapit. Sa iyang inspirational message, iyang gihulagway ang Cokaliong Shipping nga usa ka “carrier of dreams.”

Kini tungod ang mga barko ni Chester Cokaliong maoy magdala sa mga estudyante ug mga trabahante gikan sa ilang mga probinsiya ngadto sa lugar kung asa sila mangeskewela o manrabaho.

Atol sa dakong party, nidonar ang Pilipinas Shell Foundation Inc. ug Pioneer Insurance & Surety Corporation ngadto sa Edgar Cokaliong Foundation Inc. Ang Shell Foundation nihatag og tseke nga P2 million samtang ang Pioneer nihatag og P1 million.

Dakong pasalamat ni Chester Cokaliong, founder ug chief executive officer ug chief operating officer sa Cokaliong Shipping Lines Inc., ngadto sa mga partners sa Cokaliong ug sa tanang mga tawo nga nakatampo sa pagpalambo sa kompaniya niya.

Atol pud sa party, gitagaan og pasidungog ang 8 most honored companies ug top 10 business partners.

Gilusad usab sa party ang 30th founding anniversary coffee table book nga adunay title “A Legacy of Dreams Realized 2009-2019.” Gipahigayon ang dakong party sa Radisson Blu sa Cebu City. (MPS)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph