MANILA -- Kon ang iyang amahan makakita lang kaniya karon, mohilak gyud siya sa kalipay nga ang iyang damgo nga makasud-ong sa iyang anak, Sonny Wagdos, makigtigi ug modaug og bronseng medalya sa 30th Southeast Asian (SEA) Games natuman.
Kanhi University of Mindanao (UM) prized trackster ug Davao City's Labuan BIMP-Eaga Friendship Games double gold medalist nga si Wagdos nakabulsa sa men's 5,000-meter bronze alang sa Pilipinas didto sa New Clark City sa Capas, Tarlac kagahapon, Disyembre 9.
"Para kay Papa jud ni kay damgo niya mag national team ko og mudula para sa nasud. Wala naman si Papa pero para gihapon ni sa iyaha," sulti niya ngadto sa SunStar Davao pinaagi sa paghinabi sa telepono.
Nagsugod siya og dagan sa Telaje Elementary School sa Tandag, Surigao del Sur sa dihang 12 anyos pa siya. Ang iyang amahan nga si Samson napatay tungod sa pagkaaksidente sa motorsiklo niadtong 2011. Apan si Wagdos niambit sa responsabilidad pinaagi sa pakigtigi sa mga fun runs aron nga makakuwarta panahon nga siya makadaug.
Si Wagdos, 24, natawo sa Prosperidad, Agusan del Sur, ni oras og 14 minutos ug 34.73 segundos, nisunod kang Thailand's Kieran Tuntivate ug Vietnam's Van Lai Nguyen, kinsa maoy nipupo sa bulawan ug plata sa maong han-ay.
Si Tuntivate ni oras og 14:31.15, samtang si Nguyen nirehistro og 14:32.42.
Matud ni Wagdos, ang men's marathon champion nga si Agus Prayogo sa Indonesia nag-una gikan sa pagsugod pa lang apan napildi sa final lap. Ang naulahi, kinsa nakakuha og plata sa men's 10,000m, nihuman sa ikalimang puwesto.
"Bun-og na jud tingali sya kay nag marathon nag 10K (kilometers) pa then nag 5K," butyag sa National Prisaa Games runner nagtumbok ngadto sa Indonesian.
Ang personahe sa Philippine Air Force (PAF) naghinumdom sab nga nagsunod lang siya sa mga frontrunners sa unang pipila ka laps kon diin naa sa likod sa ikalima. Apan si Wagdos nakalighot ug gigukod ang lain pang duha, naglakip sa Indon marathon champion, sa final lap sa 400 meters.
"Tag-isa ra jud ka dupa among biya, digkit kaayo mi. Nagbinuhiay na sa last lap pero dili na jud maapas tong duha kay nahutdan na sad ko. Nasamad gani ko sa tuhod kay naigo ko sa spike sa nag una nako," tug-an niya, apan ang gamay nga samad di makalabaw sa kalipay nga iyang gibati sa pagdaug sa iyang unang SEA Games medal human nisalmot sa national team mga upat ka bulan na ang nilabay.
Matud niya, lipay gihapon siya nga nidaug og medalya alang sa nasud kay nagbansay lang siya sa NCC matag adlaw sugod niadtong Nobyembre 10.
Dugang pa niya, "Wala ko kasabot sa akong gibati. Tibuok Pilipinas nagcheer kay gi live man ang lumba. Maayo okay akong conditioning maski kulang ang preparasyon. Maulaw sad ko nga matuyukan kay daghan kaayong Pinoy nag-cheer para nako, dako kaayo sila og tabang. Naningkamot lang jud ko magkamedalya."
Iya sab nga gipahinungod ang iyang medalya ngadto sa iyang buotang higala ug wala pay pildi nga marathon champion, Rafael Poliquit, kinsa namatay sayo ning tuiga lang, ug nagpasingaw nga basin ang naulahi nagtulod kaniya aron nga makaabot sa bronze finish, apil na ang iyang asawa ug anak, pamilya, mga higala ug paryente, coaches sa milabay nga mga katuigan, mga kaubana, ug sa tanang mga Pilipino.