SUPERBALITA CEBU

Editoryal: Luwas nga pagsaulog

Editorial Cartoon by John Gilbert Manantan

DILI na kapugngan, nagkaduol na ang adlaw sa Pasko. Ang Disyembre usab maoy labing malipayong buwan sa tuig. Daghang parties, binayloay og regalo, ug tigdawat sa mga bonus sa dunay trabaho. Sa kinatibuk-an, dunay sulod ang bulsa sa kadaghanan. Dunay magasto sa paglingawlingaw.

Apan taliwala sa hudyaka, mataligam-an sa usahay ang kaluwasan. Ang mga pabuto, sobra sa kapasidad sa paggamit sa linya sa kuryente. Mao kini sagad sinugdanan sa mga kaso sa pag-ulbo sa sunog. Imbes kalipay, mopuli ang kasub-anan labi na kon dunay kinabuhi nga makalas. Simbako.

Ang kaluwasan sa kalihokan sa pamilya, kompaniya o komunidad responsibilidad sa matag usab kanako nga kabahin niini. Dili lang sa lider sa grupo o ahensiya sa kagamhanan. Mas malikay sa trahedya kon dunay kooperasyon sa tanan.

Ang Bureau of Fire Protection (BFP) 7 kanunay mopasidaan ning panahona alang sa luwas nga fireworks ug paggamit sa firecrackers, lakip sa pagbaligya niini nga dunay permiso ug anha lang sa gitagana nga dapit.

Sumala ni Senior Supt. Gilbert Dolot, BFP-7 Regional Director, nagkanayon nga mas gidoble ang ilang regular monitoring sa fireworks ning panahona aron magpabiling luwas ang kasaulogan sa Pasko.

Ang Deparment of Health (DOH) nipaubos sa “code white” sa tanang pampubliko nga tambalanan sugod sa Disyembre 21 hangtod Enero 5 sa sunod tuig. Sumala ni Dr. Shelbay Baton sa DOH 7, alerto ang tanang tambalanan sa pagsaka sa mga kaso nga maaksidente o manginahanglan og atensyong medikal.

Bisan ang mga lokal nga kagamhanan mitagana na og mga dapit nga adto lang pwede mamaligya og mga pabuto ug laing luna nga publiko nga adto makapabuto. Kitang hamtong ug mabuot nga lungsoranon kinahanlang mogiya sa mga bata sa luwas nga kasaulogan. Maayong Pasko.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph