SUPERBALITA CEBU

2 ka mga kaso batok kang Nalzaro gibasura sa korte

GIBASURA sa Regional Trial Court (RTC) Branch 11 ang duha ka kasong cyber libel nga gipasaka ni Miguel, anak kanhi mayor Tomas Osmeña, batok ni brodkaster ug Sun.Star columnist Pablito “Bobby” Nalzaro gumikan sa iyang lindog niadtong 2018.

Sa upat ka pahina nga desisyon ni Presiding Judge Ramon Daomilas Jr., gi-dismiss ang maong mga kaso human niduso sa iyang urgent motion to quash information si Nalzaro uban sa pag-ampo nga suspensuhon ang arraignment ug proceedings niadtong Septiyembre 10 niining tuiga.

Nipasaka og upat ka mga kasong libel si Miguel pinaagi ni Atty. Amando Virgil Ligutan, duha niini sa RTC Branch 5.

Kini gibase sa namantala sa Sunstar Cebu ang iyang mga column nga giingong malisyuso ug libelous niadtong Septiyembre 5 ug Setyembre 12 sa niaging tuig.

Sa iyang lindog, iyang ginganlan si Miguel nga maoy business partner sa butane refilling business nga gironda sa mga pulis nga sakop sa Cebu City Police Office.

Si Daomilas nibasura sa duha ka mga count nga cyber libel human niduso og motion ang kampo ni Nalzaro nga ang laing kaso sa Branch 5 sama ra og unod sa ilang gisang-at nga kaso sa iyang sala sanglit ang usa pinaagi sa print ug na-publish usab pinaagi sa online ug di mahimo nga ikonsiderar nga duha ka libel cases, sumala sa desisyon sa Supreme Court.

“The SC also ruled that charging the offender under both laws would be a “blatant violation of the proscription against double jeopardy,” matod sa hukom ni Daomilas.

Ang kampo ni Miguel nagkanayon nga kumpleto gihapon ang ilang libel case nga gisang-at batok ni Nalzaro kay padayon ang paghusay sa ilang sala ug nakasabot sila sa desisyon sa Branch 11.

“The cases against Mr. Nalzaro are still intact. Similar cases are still pending with RTC Branch 5. Just the same, we will prosecute the cases as much as we could,” padayag ni Ligutan. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph