Founder sa arnis gidakop sa kasong cyber libel

CYBER LIBEL: Si Dionisio Cañete (naglingkod) mitubag sa mga pangutana sa mga sakop sa media sulod sa buhatan sa Regional Anti Cyber Crime Unit human siya dakpa sa duha ka mga kasong cyber libel. (Tampo sa RACU)
CYBER LIBEL: Si Dionisio Cañete (naglingkod) mitubag sa mga pangutana sa mga sakop sa media sulod sa buhatan sa Regional Anti Cyber Crime Unit human siya dakpa sa duha ka mga kasong cyber libel. (Tampo sa RACU)

FOUNDER ug chairman-emeritus sa World Eskima Kali Arnis Federation (WEKAF) Dionisio Cañete gidakop sa Regional Anti Crime Unit (RACU) tungod sa duha ka mga kasong cyber libel.

Si Cañete, 81, gipasakaan og mga kasong cyber libel sa mga sakop sa Cebu City Prosecutor’s Office tungod sa pag-post niini sa Facebook niadtong 2016 labot sa hukom sa mga piskal sa mga kasong iyang gipasaka batok sa pribadong tawo nga may labot sa usa niya ka negusyo.

Pinasikad sa giisyung warrant of arrest nga giluwatan ni Regional Trial Court (RTC) Branch 11 Presiding Judge Ramon Daomilas, sila si Police Col. Marlo Castillo, pangu sa Racu, niadto sa balay ni Cañete sa Eagle st., Santo Niño Village, sa Mandaue City mga ala 1 sa hapon sa Martes, Disyembre 11, aron pag-serve niini.

Matag kaso, dunay P30,000 nga piyansang gitugot ang korte alang sa iyang temporaryong kagawasan.

Nasayran sa Superbalita Cebu nga naninguha ang pamilya ni Cañete nga siya makapyansa aron di siya makahigda og usa ka gabii sa prisohan.

Sa pagsuwat ning taho, naa pa siya sa buhatan sa Racu.

Si Cañete niingon nga nipasaka siya og 20 ka mga kaso sa mga tag-iya sa luna nga iyang giabangan apan ang tanan gibasura sa prosecutor. Matod niya nga niapelar siya sa Regional State Prosecutor, diin sa 20, upat niini giingong gitugtan nga ma-refile ang kaso. (GPL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph