Lokal Kasikas: Trabungko: Best Film sa Mindanao Film Fest

Si Joshua Caesar Medroso (Pinaambit nga hulagway)
Si Joshua Caesar Medroso (Pinaambit nga hulagway)

ANG Trabungko nga usa ka fantasy epic film nga giprodyus sa filmmaker gikan Barangay Tibungco, Davao City, mihakot sa pipila ka major awards ug giilang Best Film sa 17th Mindanao Film Festival atol sa Awards Night sa Matina Town Square Taboan, Lunes sa gabii, Disyembre 9.

Ang 32-minute short film, ilawom sa MFF Main Competition, miangkon sa Best in Production Design, Best in Cinematography, samtang si Joshua Caesar Medroso maoy Best Director.

Ang Trabungko usa sa napiling pelikula nga gipasalida sa Cinema 6 sa Gaisano Mall of Davao gikan Disyembre 4 ngadto 10.

Sa iyang Facebook post Martes, si Medroso wa kasabot sa gibating kalipay sa pasidungog nga nadawat.

“And so here we are, four trophies snatched and one barangay made more proud than ever. I admit, I was praying and hoping for even only one award (Production Design), but last night was like in a battlefield, each attack a surprise—Cinematography, Directing—and the climax was all too sudden and surreal. We got Best Film. Like, as in, BEST FILM MGA BESH. Never in a million years would I imagine something like this happening,” niya.

Dugang ni Medroso nga ikatulo ka beses na kining misumiter sila og entry sa MFF apan ang Trabungko pinasahi sa uban.

“This time, when the opportunity came, I knew I had to take everything by heart. I had to create a film, a serious one, a triumphant one. I knew it demanded a lot of work, but worked I did and I never stopped. It was a hustle from then on,” dugang niya.

Ang Trabungko inspired sa istorya asa gikan ang ngalang Tibungco.

Suma pa, ang Trabunko usa ka mythical creature nga supernatural giant snake nga nakita sa barangay pila ka tuig na ang nakalabay.

Ang pelikula istorya sa usa ka prinsesa nga nagpuyo sa layo nga dapit nga giatake og witch.

Diin ang Lakan sa maong Kingdom gipangita ang witch aron ipanimawos ang prinsesa.

Luyo sa major awards, ang Trabungko na-nominate sab sa Best Musical Score, Best Sound Editing, and Best Actor.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph