SUPERBALITA DAVAO

2 ‘pusher’ sa Marawi giniyutralisa

DAVAO. Wala nay kinabuhi ang duha ka giingong mga notadong pusher nga taga Marawi City kinsa misukol sa kapulisan atol sa drug bust sa Sta. Ana Police Station niadtong Martes. (Hulagway gipaambit sa Davao City Police Office)

NAMENTERYO ang duha ka notadong drug pusher sa Isla Verde, Davao City dihang misukol sa operatiba sa Sta. Ana Police Station atol sa drug bust alas 12:35 sa tungang gabii niadtong Martes, Disyembre 10, sa Zonta, Seaside, Purok 4-A, Barangay 23-C, Poblacion, ning dakbayan.

Ang napatay mao sila Minsuari Abubakar Cairoding, alyas Mako, 23, ug ang kauban niini nga naila lang sa alyas Jalil, hamtong ang pangedaron diin ang duha pulos residente sa Barangay Sugod, Marawi, Lanao del Sur.

Sumala sa Sta. Ana PNP nga human nadawat nila ang impormasyon labot sa ilegal nga binuhatan sa duha, gilayong gikasa sa kapulisan ang operasyon.

Atol sa operasyon, unang mipatim-aw si Cairoding kinsa mitunol og usa ka pakite sa gituohang shabu sa nagtakuban nga pulis, diin dihang dakpon na kini, mibunlot sa iyang .38 revolver ug iyang gipusil ang mga pulis hinungdan nga giniyutralisa siya.

Dihang nakita sab ni alyas Jalil ang hitabo, mibunlot sab siya sa iyang pusil nga Armscor 202 .38 SPL caliber revolver hinungdan nga naniyutralisa sab siya.

Gilayong gipangdala ngadto sa Southern Philippines Medical Center ang mga nahisgutan apan gideklara silang dead on arrival.

Nakuha sa ilang posisyon ang duha ka pusil nga dunay mga buhing bala, ug mga dagkong pakite sa gituohang shabu nga mokantidad kapin kun kulang P1 milyon.

Nasayran nga padayon ang pagpangronda sa kapulisan ning siyudad aron maseguro nga walay mga druga nga makasulod.

Ang kapulisan padayong nakigkoordinar sa mga barangay intelligence network ning dakbayan aron maila ug masikop ang mga durugista. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph