SUPERBALITA CEBU

No left turn sa N. Bacalso ipatuman sa Talisay hangtod sa Disyembre 31

(SunStar file foto)

ARON mamenusan ang paghuot sa trapiko sa national highway sa Dakbayan sa Talisay ning Pasko, “no left turn” sugod sa Biyernes, Disyembre 13, ipatuman sa parte sa N. Bacalso avenue.

Ang pangulo sa City of Talisay-Traffic Operations and Development Authority (CT-TODA) Jonathan Tumulak, nitug-an nga usa sa ilang nakita nga makatabang sa gipanlantawan na nga grabeng trapiko ang “no left turn” sa dan N. Bacalso nga magsugod sa Barangay Linao hangtud sa Barangay Bulacao, Dakbayan sa Talisay.

Kini alang sa mga sakyanan nga gikan sa Dakbayan sa Sugbo padung sa habagatang bahin ug bisan na ang gikan sa habagatan pabalik sa Cebu City.

Ang ‘no left turn policy’ ipatuman lang hinuon sa mga oras nga alas 6 sa buntag hangtud sa alas 8 sa buntag.

Alas 5 sa hapon hangtud sa alas 7 sa gabii.

Ang maong mga takna gilantawan nga rush o peak hours sa maong mga lugar.

Matod ni Tumulak nga sa maong paagi nakita nga dii ra kaayo mabalda ang dagan sa mga sakyanan ug di makamugna og kahuot.

Dugang ni Tumulak nga una kini nila gipatuman, gisabot una nila ang mga negusyante sa dakbayan alang na sa pag-schedule usab sa ilang mga delivery.

Mas maayo himuon ang delivery sa mga produkto sa lawom nga kagabhion aron makalikay sa traffic o di makadugang sa trapiko.

Ang no left turn policy sa maong mga dapit, hangtud sa Disyembre 31.

Kinsa kadtong makalapas isyuhan og citation ticket ug magbayad og penalty nga P500.

Ang bahin sa N. Bacalso sa Dakbayan sa Talisay maoy usa sa mga dapit nga grabe ang paghuot sa mga sakyanan.

Nakuhaan lang kini human hawani sa Dakbayan ang mga karsada ug sidewalk sa Tabunok. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph