HANGTOD asa kutob ang inyong panaghigalaay? Mao kini ang gipakita sa salida sa Star Cinema nga “Unbreakable”.
Sila si Angelica Panganiban ug Bea Alonzo, ang mga aktres sa Unbreakable, mipakita kon hangtod asa kutob ka mokupot sa inyong panaghigala.
Wala’y bisan lalaki ang makaguba sa friendship nila ni Deena nga gidala ni Angelica ug ni Mariel nga gidala ni Bea.
Wala ba gyud? Nagtuyok ang estorya sa duha nga nagkaila niadtong nagtungha pa sila sa kolehiyo.
Si Deena kinsa typical nga babaye nga marupok, daghang kaagi sa mga laki. Siaw si Deena.
Samtang si Mariel nga taas og standards sa lalaki, usa usab ka typical nga Filipina nga nangita sa iyang Mr. Perfect nga husband.
Wala gisaysay kon giunsa pagkaila nila ni Mariel ug Justin (Richard Gutierrez) apan naminyo silang duha.
Ang inahan ni Justin nga gidala ni Gloria Diaz, dili ganahan ni Mariel.
Kay suod nga higala sila si Deena ug Mariel, si Deena ang gikuha ni Mariel nga iyahang maid of honor.
Didto usab nagkaila sila si Deena ug si Bene (Ian Veneracion), ang maguwang ni Justin.
Nagkauyab silang Deena ug Bene ug nahimong sisters-in-law sila si Deena ug Mariel.
Kon basehan nimo ang dagan sa estorya, daghan kini og mga panghitabo nga nakapausab sa friendship nila ni Deena ug Mariel.
Gikan sa selos, suya, hangtod sa patas-anay nga wala tuod gituyo apan hilom nga gidibdib sa usa.
Nganong nahimo nga mag-cheat ni Justin kang Mariel ngadto sa kaugalingon sa sister-in-law niini ug best friend ni Bea? Unsa kabug-at ang sala ni Deena nga niabot man sa punto nga gusto na ni Mariel nga patyon siya?
Gugma sa panaghigalaay, mao kini ang mensahe bisan paman sa uwahing bahin sa maong salida. Kanang punto nga kay nahitabo naman, angay nalang dawaton.
Kon aduna ka’y best friend, mas maayo nga kamo ang magkuyog nga motan-aw niini.
Ambot lang kaha og aduna’y susama nga estorya niini sa tinuod nga kinabuhi, grabe siguro ang kasakit apan molutaw gihapon ang gugma sa panaghigalaay.
Kay lagi, wala’y laki nga makaguba sa usa ka friendship, Unbreakable sab ba inyong friendship?