MALAMPUSONG ang yano apan lingaw nga 5th anniversary celebration sa Cebu Young Talent (CYT) niadtong Nobiyembre 17, 2019 nga gipahigayon sa Linao Resort and Hideaway sa lungsod sa Minglanilla.
Ang grupo nidesisyon nga usbon ang ilang pamaagi sa pagsaulog sa usa ka 'star ball' nga konsepto. Ang mga miyembro nag-amot usab og gamay nga kantidad alang sa mga biktima sa linog sa Mindanao.
Ang ilang pinasidunggan dinapit sa kasaulogan mao si National Youth Commission-Representing Visayas ug MTRCB Member Victor del Rosario gikan sa kaulohan aron pagtambong sa anibersaryo sa grupo sa mga talentado nga mga Sugbuaon.
Nihatag kini og inspirational message para sa maong grupo.
“Isip inyong commissioner, hinaot magpadayon mo sa pagpakita og maayong ehemplo sa isig katungod ninyo og padayon jud sa pag eskwela kay ang pag eskwela maoy butang nga dad-on jud natu hangtud sa hangtud,” matud ni del Rosario.
Wala pod makalimot sa pagpahinumdom sa miyembro nga pasalamatan gyud ang Ginoo sa tanang grasya, tabang ug gugma nga gihatag sa kinaiyahan.
Si del Rosario mihatag pod og papremyo isip dugang pahalipay sa tanan. Si Johndro A. Sabuero, 21, mapsugod sa CYT niadtong 2014.
“Mapasalamaton gyud kaayo ko kay miskan sa kalisod og daghang naagi-an nagpabilin nga lig-on, kusgan og nagkahiusa gyud ming tanan. Dili gyud naku ikalimod nga di mi inun-ana ka daghang pondo nga makabuhat sa tanang gusto namo apan tungod sa supporta og pagsalig sa ubang tawo og mga sponsor malampuson gayud nga napatuman among activities karung tuiga.” matud ni Sabuerto.
Ang tanang miyembro sa CYT malipayon usab sa laing tuig nga naabot sa grupo
Usa na ang ABS-CBN Singing Bebe Boy Grand Champion nga si Yad Robal Jayme nga wa jud mapakyas pag apil sa matag tuig nila nga selebrasyon .
“Dako jud kaayo ko pasalamat sa Cebu Young Talent kay dako jud kaayo sila natabang sa pagpalambo sa akong talento og sa akung kaugalingon,” matud ni Jaye.
Ang CYT magpadayon og hatag og kahigayonam ug opurtunidad nga mapakita ug mapalambo angtalento sa tanang batan-ong Sugboanon dinh, sa tibuok nasod ug abroad. (PR)