DEAR Noy Kulas,
Ako si Miss Luz. Ang akong suliran mahitungod sa akong sexuality ug marriage.
Naa ko nagtrabaho sa usa ka company nga majority mga babaye ang nagtrabaho. Natural, daghan ko og nahimong suod sa office nga usa ka babaye. Bisan asa mi manuroy kay lingaw kaayo kon kaming duha ang magkauban. Ang akong husband ug mga anak nakaila kaayo niya kay mobisita man siya sa amoa.
Apan dunay usa ka gabii nga nagkuyog ug nangahubog mi, na-shock ko kay dunay kalit nga nahitabo namo. Nag sex mi nga pina babaye puro. Kaingon namo nga nadala mi sa kahubog ra pero nausban pa ug nakadaghan na mi. Ang akong pamilya wa magduda kay sexy ug gwapa ang akong amiga. Tinuod man sab nga magkuyog mi pirme.
But ang laing twist nako ron, Noy, kay ganahan na ko og same sex. Dali ra ko makakita og partner sa mga bar kon wa ang akong friend. Ambot kalit ra kong nausab kay mas ma excite na man hinuon ko sa babaye. Tagsa na lang mi mag sex sa akong bana but mas ma satisfy ko sa babaye. Ngano kaha nga naingon ko ani? Matabang pa kaha ko aning akong shift sa sexuality.
Ms. Luz
Ms. Luz,
Basin baya naa kay past nga nalimtan mo lang ug karon lang na awaken sa middle stage sa imong kinabuhi. Mao na ang hinungdan tingali nga ganahan kag kalit sa babaye. Na awaken na tungod sa nahitabo tali nimo ug sa imong amiga. Nabag-ohan ka sa imong experience hinungdan nga maora ka og nagbahis. Bisan tuod kon di kaayo ni klaro ang imoha kay di man mag-mind kaayo ang publiko sa mga babayeng magkuyog, labina kon puro feminine kaayo tan-awon. But ang epekto niini ngadto sa imong pamilya, labina sa inyong relasyon sa imong bana. Basin moabot ang time nga wa na moy sexual relation. Ang resulta unya basin mangita siyag lain.
Ang pagputol niana mao ra ang pag-undang sa inyong pagsige og kuyog ug likayan mo ang night life. Instead ang imong ikuyog sa mga laag mao ang imong pamilya. Maanindot pa ang resulta niana kay sa magsige kag laag uban sa mga amiga. Kana ra bang malabian na ta sa pagbati, di ta kabantay nga nabiyaan ug napasagdan ang ubang mga responsibilidad ug kaakuhan. Timan-i, way pagmahay nga mag-una.
Noy Kulas