SUPERBALITA CEBU

Editoryal: Dalion pagsunog

Editorial cartoon by Ariel Itumay

HUMAN sa mga estorya-estorya ug pagduda nga gipang-recycle ang drugas kay wa gipangguba, ang Police Regional Office (PRO), Philippine Drug Enforcement Agency (PDEA) 7, mga korte ug Gobernador Gwendolyn Garcia misunog sa 81 kilo nga illegal drugs.

Tipik lang kadto sa drugas nga gihuptan sa kapulisan ug PDEA. Naa pay kapin sa 100 ka kilo nga ilang gihuptan pagkakaron kay wa pay mando ang hukmanan nga kini gub-on. In fairness sa kapulisan ug PDEA, ang pagguba sa drugas nga mga ebidensya nag-agad sa hukmanan. Ang pagguba sa mga ebidensya nagagikan diay sa hukmanan, wa mag-agad sa kapulisan ug sa anti illegal drugs agency.

Nahitabo ang pagsunog human motugot ang mga korte sa hangyo nila ni Garcia, PRO 7 ug PDEA.

Bisan si RTC 7 Executive Judge Macaundas Hadjirasul nanghinaut nga sa umaabot nga mga buwan, subli silang makaguba og drugas nga gipangtipigan sa mga awtoridad.

Ang pagsunog nakatibhang sa pagduda sa katawhan nga dunay recycling sa illegal drugs taliwa sa kadaghan sa anti drug operations nga kinilo ang masakmit.

Apan nganong sa kadugay na sa ubang mga ebidensya, kay dunay gikan pa sa 1994, niadto pang Martes sa naguba. Naa man untay balaud nga nagmando sa pagguba sa illegal drugs nga di palungtaron og dugay, labina kay mahimo rang kuhaan og sample samtang ang mahabilin mahimo nang sunugon.

Sama gud sa marijuana diin pipila lang ka punoan ang ibilin samtang ang kadaghanan mahimo rang sunugon. Unta ingon niana ang pagguba sa illegal drugs, binlan lang og gamay. Sa ingon niini, mahanaw ang kahigayunan nga masibat sa ninja cops ang mga ebidensya. Di na usab magduda ang publiko nga dunay magic magic sa pagtipig sa mga ebidensya kay bisan unsaon, nature na sa tawo nga madudahon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph