NABALI pa ang kahoy nga gihiktan sa usa ka lalaki kinsa naghikot sa iyang liog gamit ang nylon niadtong Disyembre 11 mga alas 6:30 sa buntag sa Zone 9, Adelfa Extension Macanhan, Barangay Carmen ning siyudad sa Cagayan de Oro.
Patay si Jerick Silma, 24, ulitawo, residente sa maong dapit.
Sa impormasiyon nga nahipos gikan sa kapulisan sa Police Station 4 (PS4) sa Carmen giingong naghambing og grabe nga depresiyon si Silma tungod na usab sa pagbiya sa iyang kaipon kauban ang duha ka mga anak.
Napalgan na lang nga naghikot sa liog gamit ang nylon si Silma sulod sa boarding house. Giingong gugmaan kaayo si Silma sa iyang kaipon ug susamang dili makadawat sa ilang sitwasiyon.
Walay nakitang foul play ang kapulisan sa lawas sa namatay apan aron nga mawala ang mga pagduda nagsugyot kini sa pamilya nga ipailalom sa otopsiya ang patay nga lawas.
Kasamtangang anaa sa Bollozos Funeral Homes sa Bulua ang patay nga lawas.
Nagpahimangno usab ang kapulisan nga dili solusyon ang pagpakamatay sa giatubang nga problema ug salig lang sa kaugalingon ug sa Ginoo ug mahatagan ra kini og kasulbaran.