NAGPASALAMATON si Mayor Oscar Moreno ug nanghinaot nga magtagbo na karon nga semana ang konseho aron hingpit na nga maaprobahan ang gisugyot nga budget sa dakbayan alang sa tuig 2020.
Aprobado na ang P7.5 bilyones nga budget atol sa budget deliberation sa 19th city council ug kinahanglan na lamang nga pormal kining maaprobahan diha sa session sa konseho.
“Salamat kaayo, salamat kaayo for that di paman siguro na na ang approval proper kay I think they will still have to convene by way of special session,” matud ni Moreno.
Buot niini nga sa dili pa matapos ang tuig hingpit na nga mahuman ang maong hisgutanan alang sa dugang mga proyekto ug programa sa sunod tuig.
“Hopefully they will have that within this week para before the end of the year will have the budget for next year already done,” dugang pa.
Gidugang pa nga hagit alang kanila ang pagkab-ot sa maong budget ilabi na nga una na niining gipasalig nga walay mga pagsaka sa balayrunon sa buhis sa mga negosyante apan palambuon lamang ang pagpangolekta sa insaktong buhis.
Nasayran nga buot ni Moreno nga pahulamon og P500 milyon nga kantidad nga Cagayan de Oro Water District (COWD) alang sa ilang mga panginahanglan on aron hingpit na nga maayo ang ilang mga pasilidad ug mapalambo ang serbisyong panubig sa siyudad lakip na nga gipataasan usab ang pundo alang sa serbsiyong panglawas, imprastruktura, ug uban pa.