gabii niadtong adlaw’ng Sabado nga puno sa kasadya dihang ang Provincial Information Office naghost og tinuig nga Media Stakeholder’s Forum.
Kini nagdala sa tema nga “Kagamhanan Kaabag sa Gawasnong Pagpadayag,” ug gipartisipahan sa nagkalain-laing media outlet gikan sa print, radio ug telibisyon kinsa nagsul-ob sab sa ilang mga labing tsada nga mga kalo.
Sa iyang mensahe ni Provincial Information Office head Carlo Dugaduga, iyang gipaambit ang dakong kalainan ug importansya sa mainstream media ug social media labina giehemplo niini ang mga bag-ohay lang mga insidenteng natigayon sama sa pagbusikad sa granada sa Initao College, ang pagkaon og utok didto sa lungsod sa Talisayan, ug pagsunog sa usa ka lalaki sa iyang lawas sa rotunda ning siyudad sa Cagayan de Oro.
Gibutyag ni Dugaduga nga taliwala sa kadali sa social media nagpabiling importante ang mainstream media ug maoy reliable source sa katawhan sa mga balita.
“Nia sa mainstream media ang editorial content og kita nasayod sa atong tagsa-tagsa nga mga obligasyon, butang na wala sa social media, Sa atong tagsa-tagsa ka mga trabaho, kinahanglan ato gayung i-exercise sa kanunay nga wala lamang kita maghatud sa katungod kun dili kita maghatud sa katalingban nga responsibilidad para sa katawhan ug alang sa katawhan sa dakayan sa Cagayan de Oro ug Misamis Oriental,” matud niini.
Human sa lamian nga panihapon usa ka HipHop Dance Competition ang gihimo kon asa mananaog ang Brigada News, gisundan sa RPN, ikatulo ang Magnum Radyo ug RMN/DXCC.
Naharbat sab sa SunStar Cagayan de Oro team ang titulong best female hat kon asa naangkon kini nila ni Pamela Jay Orias, Irika Acaylar, ug Steph Berganio samtang Best Male Hat naangkon ni Alwen Saliring.
Mga nagkalain-laing papremyo sama sa lima ka kilo nga bugas ug mga home appliances ang gipa raffle niadtong gabhiona.
Gawas sa mga miyembro sa prensa nga anaa sa Media Stakeholder’s Forum anaa sab ang presensya sa pipila ka mga sakop sa Department Head sa Kapitolyo Probinsyal pangunana ni Assistan Provincial Administrator Carol Lim, provincial veterinary head Dr. Benjie Resma ug pila ka membro sa Provincial Board, sama nila ni Saysay Emano, Wayne Militante, Dexter Yasay, Boboy Sabal, ug uban pa.
Wala ang presensya ni Provincial Governor Yevgeny Emano kinsa nangayo og pagsabot tungod sa dili maayong pamati sa lawas ug taliwala nga napakyas niini ang kalihokan natapos ang gabii nga dili lang busog ang mga mitambong apan miuli nga puno sa kasadya. (Translated by Steph V. Berganio)