SUPERBALITA CAGAYAN DE ORO

Drug test sa PRO 10 walay nagpositibo



WALAY nagpositibo sa kapulisan sa Police Regional Office (PRO-10) sa gipahigayon nga random drug testing.

Gibutyag ni PLt. Col. Mardy Hortillosa, tigpamaba sa PRO-10 nga usa sa ilang gihimo isip paglimpyo sa ilang hanay o internal cleansing mao ang tinuig nga random drug testing.

“So far karon sa atoa, very good nata karon kay wala nay nagpostive diri sa atoa sa Police Regional Office 10, continuous man atong drug testing kay kaning atong drug testing part lang na sa atong internal cleansing,” matud ni Hortillosa.

Giingong ginahimo kini aron nga suportahan ang hugot nga kampanya sa ilegal nga druga ug sa pagpangusog sa kamandoan sa commander in chief sa PNP nga si Presidente Rodrigo Duterte.

Samtang gikabutyag nga sa laing pamaagi sa internal cleansing sama sa mga kapulisan nga dunay sumbong ang ila na usab nga giimbestigahan apan kinahanglan og mga ebedensiya.

“Ato na kana siyang gi-imbestigaran and of course halimbawa naay mga sumbong dapat pud ang sumbong naay ebedensiya kay kung walay ebedensiya kabalo naman mo pulis man ta so kinahanglan nato magkuha ta og ebedensiya before nato makonbekto atong mga personnel,” dugang niini.

Nasayran nga sa tuig 2018 dunay kinse (15) ka mga pulis sa Northern Mindanao ang na-dismissed diin pito (7) ang sa Bukidnon, 3 sa Cagayan de Oro, isa sa Iligan ug Misamis Oriental, 3 sa Misamis Occidental diin anaa usab 30 ngadto sa 40 porsyento ang nalambigit sa ilegal nga druga.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph