MANILA -- Ang gold medal gikan Gilas Pilipinas, nga gikan sa nagpanikad nga 115-81 nga kadaugan kontra Thailand sa men’s basketball championship match sa Mall of Asia (MOA) Arena, Martes, Disyembre 10, miselyo sa historic top overall finish sa Pilipinas, nga may 149 golds, 117 silvers ug 119 bronzes as of 6 a.m. Miyerkules, Disyembre 11, sa 30th Southeast Asian (SEA) Games nga mabulukong nahuman sa New Clark City sa Capas, Tarlac, Disyembre 11.
Si Philippine Sports Commission (PSC) Chairman William “Butch” Ramirez, sa pahayag midayeg sa mga atletang Pinoy.
“We were all hoping and praying for this, but it is still a sweet surprise that it is actually happening. I am so proud of our athletes. All of them deserve our respect and love,” niya.
Si Ramirez nga PSC chairman ug chef de mission dihang ang nasud uwahi nga nag-host sa biennial meet sa 2005, diin ang hosts miharus sa 112 golds, 85 silvers ug 93 bronzes.
Ang Dabawenyong Senador Christopher “Bong” Go, nga chair sa committee on sports, nagsulti, “Naging mataas ang morale ng buong Team Philippines dahil sa laki ng suporta ng gobyerno sa kanila, mula sa kanilang pag-eensayo, including their trainings abroad and hiring of foreign coaches. Ito ay upang masiguro natin ang kanilang international competitiveness.”
Honor roll
Sa naangkong medalya sa nasud, mga atleta sa Davao Region nakatampo og pito ka gold medals, unom ka silvers, ug unom ka bronse.
Si Aiba Women’s World Boxing Championships 2019 gold medalist Nesthy Alcayde Petecio, nga nagsugod sa iyang amateur boxing career sa Davao City, milangkat sa una niyang SEA Games gold.
Si Rio Olympian ug Incheon Asian Games silver medalist Charly Suarez, gikan sa Sawata, San Isdiro in Davao del Norte, mibulsa sab sa ikaupat niyang SEA Games gold human gipatikangkang ang taga-Thailand Khunatip Pidnuch sa men’s boxing lightweight titular showdown.
Si SEA Games newbie Jezebel Morcillo, 24, sa Davao City miangkon sa unang gold sa women’s arnis 50 kg live stick event.
Laing SEA Games rookie 18-anyos nga si Chino Tancontian, milangkat sab og gold sa men’s sambo 82 kg gold.
Si Filipino-Japanese Mariya Takahashi, 18, midepensa sa iyang women’s judo 70 kg gold.
Midugang sab siya og bronze sa women’s judo team category.
Miharus sab og team golds ang mga Dabawenyos nga sila Mark Anthony Alcoseba sa men’s soft tennis; ug Nathaniel Sanchez ug Klymille Keilah Rodriguez sa mixed team relay obstacle course racing event.
Ang silver medalists mao sila Jenilou Mosqueda (women’s kurash), Marjon Pianar (men’s boxing welterweight), Marc Alexander Lim (men’s jiu jitsu 69 kg), Agot Danton (women’s rugby), Francis Phillip Saura (men’s volleyball) ug Mummar Alamara-Shaka Abnel Tawasil (men’s water polo).
Si Carl Dave Aseneta sa Davao City midaug sa men’s judo 90 kg bronze ug mikuha og laing bronze uban ang Dabawenyo teammate Jackielou Escarpe ug ubang national judokas sa men’s judo team.
Si Davao City’s Labuan BIMP-Eaga Friendship Games double gold medalist Sonny Wagdos, mikamada og bronze sa men’s 5,000-meter run samtang si Mary Pauline Fornea midugang og bronze sa mixed duathlon relay; ug Sydney Tancontian mipupo og bronse sa women’s kurash.