Color Christmas party sa SunStar Davao

TUNGOD sa ka-busy sa nagkadaiyang trabaho, pipila ka higayon lamang gyud magkitaay ang nagkadaiyang departamento sa SunStar Davao.

Sa nakalabay nga Disyembre 7, subling nagkatigum ang mga empleyado alang sa makalingaw ug mabulukong selebrasyon sa company Christmas party sa Waterfront Insular Hotel sa Lanang, Davao City.

Luyo sa lamiang pagkaon nga gisaw-an sa tanan, anaa sab ang non-stop tsismisan, ug labaw sa tanan excitement sa group presentation.

Matag departamento dunay kaugalingong colors, pagrepresenta sa ilang tim.

Nakigduyog sa kalingawan si SunStar Davao president Gina Atienza ug bana niining si Caesar Atienza.

Anaa sab si former editor-in-chief Stella Estremera ug SunStar Management Department head Anthony Onrejas.

Naki-party sab ang mga kolumnista nga sila Imee Garcia, Dr. Fritz Espedilla, ug Majal Talento.

Sa iyang Christmas party, si Atienza nagdasig sa SunStar Davao team nga himuon ang ilang best, ipadayon ang paghangop sa mga kabag-uhan sa newspaper industry dala sa digital revolution.

“As the 2019 ends, I just want to remind you all that change is really there we have to adjust with it,” ni Atienza.

Luyo sa choral competition, nalingaw sab ang tanan sa pa-raffle sa nagkadaiyang items, karaoke set, rice cooker, blender, gift certificates, ug smartphones.

Ang SunStar Davao nagpasalamat sab sa suportang gipaambit sa pipila ka grupo alang sa malampusong Christmas Party -- Golly Manpower, Fujifilm, Cebu APS Mktg., Smart, King’s Lechon, Kings Vitaplus.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph