USA ka drug pusher ang napatay sa kapulisan atol sa buy-bust operation sa Sitio Galaxy, Barangay Tanke, dakbayan sa Talisay kagahapon sa buntag.
Ang suspek giila sa kapulisan nga si Velly Urot Baguio, hamtong na ug molupyo sa maong dapit.
Gibutyag ni Talisay city chief of police Marlu Palomaria Conag nga ang suspek gipangita tungod sa reklamong pagpanglugos og bata.
Usa ka concerned citizen nga nagpahibalo nga naa nagpuyo ang suspek sa maong dapit.
Dihang niabot ang kapulisan sa sa panimalay sa apuhan ni Baguio, nabantayan nga kini sabug na kaayo sa druga ug adunay dala nga armas og mi-aksyon kanila og pusil hinungdan nga napusilan.
Nakuha gikan sa suspek ang .357 nga kalibre sa armas nga may unom ka buhing bala, unom ka pakete sa gituohang shabu. Jude Suhot - Correspondent