Suspek pagpatay sa drayber, pasahero wala pa matumbok

KINI ang drayber sa traysikol nga gipusil uban ang iyang pasahero sa wala mailhing mamumuno nga sakay sa puti nga van Martes sa gabii didto sa Calinan Davao City. (Hulagway gipaambit sa Davao City Police Office)
KINI ang drayber sa traysikol nga gipusil uban ang iyang pasahero sa wala mailhing mamumuno nga sakay sa puti nga van Martes sa gabii didto sa Calinan Davao City. (Hulagway gipaambit sa Davao City Police Office)

BLANGKO pa ang kapulisan sa Calinan Police Station kon kinsa ang mamumuno sa pagpusil-patay sa traysikol drayber ug ang pasahero niini alas 7:45 sa gabii niadtong Martes didto sa Purok 22, San Roque Street, Davao-Bukidnon Highway, Calinan, Davao City.

Mga biktima nailhang sila Joshua Ongque Amarillo, 22, ulitawo, fruit harvester, ug residente sa Purok Mangga, Barangay Talandang, Tugbok District, ug usa ka Roland Hermoso Sarajena, 43, minyo, delivery driver, ug nagpuyo sa Purok Rambutan, Barangay Talandang.

Sa imbestigasyon, migula nga samtang nagdagan ang traysikol nga gimaneho ni Amarillo sakay niini iyang pasahero nga si Sarajena, kalit dunay miubay nga kolor puti nga van ug gipamusil sila sa makadaghang higayon nga miresulta sa ilang hinanaling kamatayon.

Dili pa masulti sa kapulisan sa Calinan PNP unsay motibo sa pagpatay sanglit nagpadayon pa ang ilang gihimong imbestigasyon sa hitabo. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph