SUPERBALITA DAVAO

Delos Reyes: Unsa ug kanus-a saulogon ang Pasko?

Yanong Pagsabot

NA-BUSY ang katawhan karong bulan sa Disyembre kay nangandam sa pagsaulog sa Pasko. Mga batang gagmay nagsugod na pagpanaygon kay sa ilang hunahuna panahon karon sa pagpanghatag ug mao sab ang naandan ug ginasunod sa kadaghanan.

Mga kompanya ug mga ahensiya sa gobyerno nanghatag sab ug mga pahalipay, mao nga nagdugang sab ang traffic sa kadalanan kay daghan ang moadto sa mga malls aron mamalit og mga regalo sa mga eskwelahan ug sa mga kinugos. Ang uban magsugod na sab paglikay-likay tungod maningil na karon ang mga kinugos ug linudhan sa ilang mga regalo kay Pasko na lagi.

Usa sa akong mga anak natawo sa bulan sa Oktubre petsa 20 apan sa iyang birth certificate naunsa ba nga petsa 27 man ang iyang adlaw nga natawhan. Sa iyang mga papeles nga gikuha aron makagawas sa nasud ang naa sa birth certificate mao ang natuman apan sa tinuod niyang kinabuhi ang iyang pagsaulog sa iyang birthday petsa 20 gyod.

Maayo nalang kay isip amahan nasayod ko unsay tinuod busa dili ko malibog bisan pa nga dunay birth certificate nga iyang ginagunitan nga lahi ang petsa sa iyang natawhan.

Ang kalibutan karon naga-ihap sa mga adlaw kay saulogon ang adlaw nga natawhan ni Hesus apan dunay uban nga nalibog unsa ang tinuod nga nahitabo, pagkatawo ba ni Hesus o panahon sa iyang pagkamatay didto sa krus diin siya gilansang alang sa pagtubos sa katawhan sa kalibutan?

Ang nakalibog tungod walay klaro nga rekord nga nagapamatuod nga si Hesus natawo petsa 25 sa Disyembre ug walay makahatag sa tukma nga tuig sa iyang pagkatawo. Bisan sa Bibliya wala kay makita nga setas nga nagsulti unsang adlawa ug petsa natawo ang manunubos sa kalibutan. Ang mga pagsaulog pulos bana-bana lang o panaghap nga gisauolog ug gipatuman sa tibook kalibutan.

Ang pulong nga “Pasko” makita sa Bibliya sa basahon sa Exodus 12:11 diin gitudloan ang mga Israelita unsay ilang pagabuhaton sa pagkaon. Ang pasko gitawag sa English nga ‘pass-over’ nagapahinumdom sa kaliwatan sa Israel giunsa sila pagpagawas sa Ginoo gikan sa pagkaulipon didto sa Egypt dihang gipugngan sila ni Haring Paraon (Pharaoh) kay dili pabalikon sa ilang nasud.

Unang gisaulog ang Pasko sa panahon ni Roman Emperor Constantine apan dili kini apil sa mga piyesta nga gitudlo sa sa Roma. Ginasaulog sab sa Early Church ang pasko sa petsa sais sa Enero ug ang pagsaulog pinasikad sa nagkalahi nga tradisyon.

Gipalig-on sa simbahan ang pagsaulog sa petsa 25 sa Disyembre ug giunahan kini sa “Simbang gabi o Mesa de gallo”, diin napatik sa hunahuna sa kadaghanan nga dunay panalangin nga madawat kon makompleto ang pagsimba sa napulo ka gabii.

Si Hesus nagpakatawo aron sa pagluwas sa kalibutan gikan sa silot sa sala nga gisugdan sa atong unang mga ginikanan. Si Hesus namatay alang sa mao gihapon nga katuyoan. Unsa man gyod ang Pasko alang nimo? Unsay imong ginabasihan sa imong pagsaulog niini?

Aron pagtino unsa man ang atong sistema sa pagsaulog sa )Pasko mas maayo nga atong sutaon unsa ang atong ginasunod ug kinsa ba ang atong ginaalagaran. Basaha ang tibuok Kapitulo 15 sa basahon ni San Matthew ug pamalandunga; gikinahanglan nato ang pag ampo aron masunod nato unsay kabubot-on sa Ginoo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph